პარლამენტის თავმჯდომარის, დავით უსუფაშვილის განცხადებით, ის ენდობა იმ შედეგებს, რაც დაიდო, თუმცა არ ენდობა იმ პროცესს, რა თანამიმდევრობითაც შედეგები ქვეყნდებოდა.

როგორც უსუფაშვილმა ჟურნალისტებს განუცხადა, აშკარა იყო დაგეგმილი პროცესი, თავიდან როგორმე დაფიქსირებულიყო ის ციფრები, რაც სოციალურმა კვლევებმა აჩვენა.

„ვაღიარებ და ვენდობი იმ შედეგებს, რაც დაიდო. არ ვენდობი იმ პროცესს, რა თანმიმდევრობითაც ქვყენდებოა შედეგები. როგორც მოხდა, ის რომ პირველი 400 უბნის მონაცემები ისე გამოქვეყნდა, რომ „ქართულ ოცნებას“ ქონდა მაქსიმალური შესაძლო ეგზიტოლში ნაჩვენები, ყველა სხვას ქონდა მინიმალური. შემდეგი ოქმების შეყვანის პროცესში, ნელნელა „ოცნების“ შედეგები ქვევით იწევდა, „ნაციონალური მოძრაობის“ და სხვების, მატულობდა. ეს შემთხვევით არ ხდება. ცოტა პოლიტიკური გამოცდილება გვაქვს, ცოტა არ იყოს ინფორმაციაც გვაქვს. მე არ ვამბობ, რომ ცესკო-მ რამე გააყალბა, მაგრამ ნამდვილად ვამბობ, რომ როცა 1000 უბნის მონაცემი დევს, აქედან ჯერ რომელი 300 შემოვიყვანოთ - მერე რომელი, ამაზე ვიღაც ზრუნავს. ეს არ არის სწორი. ვხედავთ სრულიად აშკარა დაგეგმილ პროცესს, რომ თავიდან როგორმე დაფიქსირდეს ის რაც სოციალური კვლევების ამოცანადაა ნაქცევი ამ ქვეყანაში - დაწერილი ციფრებით ადამიანზე მოეხდინათ ზემოქმედება. ცესკო ამ პროცესში არ უნდა ჩაერიოს“, - განაცხადა დავით უსუფაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს