მმართველი გუნდი უკვე საკონსტიტუციო ცვლილებებზე ალაპარაკდა. ისინი საკონსტიტუციო უმრავლესობით მოსვლის შემთხვევაში, პრეზიდენტის არჩევის წესის შეცვლას გეგმავენ. კერძოდ, მათ მიაჩნიათ, პრეზიდენტი არა ხალხმა, არამედ პარლამენტმა უნდა აირჩიოს.

ამ თემასთან დაკავშირებით „ექსპრესნიუსი“ კონსტიტუციონალისტ ვახუშტი მენაბდეს გაესაუბრა. მისი თქმით, აღნიშნული ცვლილების განხორციელების შემდეგ, საქართველო თუ სრულად არა, ძალიან ახლოს იქნება საპარლამენტო რესპუბლიკის მოდელთან. მისივე განმარტებით, საპარლამენტო რესპუბლიკა ცუდი მოდელი არაა, მაგრამ მმართველობის მოდელი იმ გამოწვევების მიხედვით უნდა შეირჩეს, რომელიც ქვეყანას გააჩნია:

„ მოსალოდნელიც იყო, რადგან ისინი საუბრობდნენ ამაზე მთელი  წინა ვადის განავლობაში, რომ უმჯობესი იქნებოდა პრეზიდენტის არჩევა არა პირდაპირ, არამედ ირიბი წესით. თქვენ იცით, რომ საქართველო არა რის საპარლამენტო რესპუბლიკა, ნახევრად საპრეზიდენტო რესპუბლიკაა, ძლიერი პრემიერით და შედარებით სუსტი ძალაუფლების მქონე პრეზიდენტით, ამ ცვლილებების შემდეგ,  ჩვენ ძალიან ახლოს ვიქნებით, თუ სრულად არა, საპარლამენტო რესპუბლიკასთან. საპარლამენტო რესპუბლიკა არ არის ცუდი მოდელი კონსტიტუციური სისტემის, საერთოდაც არ შეგვიძლია ვთქვათ, რომ საპრეზიდენტო ცუდია, საპარლამენტო კარგია, ამ შინაარსის საუბარი არ იქნებოდა სწორი. უბრალოდ უნდა ამოვიდეთ იქიდან, თუ რომელ ქვეყანას რა გამოწვევები აქვს და იმის შესაბამისად უნდა შევარჩიოთ“,-განაცხადა ვახუშტი მენაბდემ და დასძინა, რომ დღევანდელ ვითარებაში სრულად საპარლამენტო რესპუბლიკა  მიუღებელი და პრობლემურია:

„ საქმე ისაა, რომ ჩვენი მთავარი გამოწვევა ყოველთვის იყო კონსოლიდირებული ძალაუფლება. ეს ჰქონდა პრეზიდენტს 2010 წლის რეფორმამდე და ახლა ამის მიმართ უკმაყოფილება არსებობდა, რადგან მკაფიო იყო, რომ ეს იყო პრობლემა, რომელიც დემოკრატიულ განვითარებას აფერხებდა. თუ ეს ინიციატივა განხორციელდა, ახლა გვექნება ვითარება, რომ პარლამენტი აირჩევს პრეზიდენტს, ეს ნიშნავს იმას, რომ უმრავლესობა დააკომპლექტებს როგორც მთავრობას,  ისე ქვეყნის პირველ პირს, სახელმწიფოს მეთაურს, განაწესებს თანამდებობაზე,რაც ფაქტობრივად გამორიცხავს ხელისუფლების ძალთა ბალანსის არსებობას ქვეყანაში. ქვეყანაში, რომელიც უნიტარული მოწყობისაა, ანუ არ გვყავს ფედერალური სუბიექტები, არც რეგიონული მოწყობა არაა, ანუ ძირითადი ძალაუფლება ცენტრშია თავმოყრილი, ერთ უმრავლესობას, რომელიც პარლამენტშია აქვს ძალაუფლება, ხოლო მეორე მხრივ პარლამენტი არის ერთპალატიანი, ორ პალატიანის შემთხვევაში ჩვენ გვეყოლებოდა ორი სხვადასხვა ლოგიკით და სხვადასხვა დროს არჩეული ნაწილი საკანონმდებლო ორგანოსი, მაგრამ ერთპალატიანი პარლამენტი გვაქვს რაც ფაქტობრივად გამორიცხავს ყოველგვარ ბალანსს. ფაქტობრივად, ჩვენ გვეყოლება უკონტროლო უმრავლესობა, რომლის დაბალანსების შანსი, რომელიც არსებობს პრეზიდენტის პირდაპირი წესით არჩევის შემთხვევაში,  შემცირდება. ამგვარი რეალობის დადგომის ალბათობა შემცირდება. არ გამოირციხება , მაგრამ შემცირდება“,-განუცხადა ვახუშტი მენაბდემ „ექსპრესნიუსს“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს