ცენტრალური საარჩევნო კომისიის  თავმჯდომარის თამარ ჟვანიას განცხადებით, ამ ეტაპზე სხვადასხვა უბანზე დათვლილი შედეგები არ იძლევა საშუალებას, ზუსტად განისაზღვროს, თუ რამდენ  საარჩევნო ოლქში გახდება საჭირო მეორე ტურის ჩატარება. თუმცა, მისივე განმარტებით, რამდენიმე უბნის მიხედვით დათვლილი შედეგები აჩვენებს სურათს, რომ  დიდი რაოდენობის  საარჩევნო ოლქებში  მეორე ტურის ჩატარება იქნება  აუცილებელი:

„მინდა აღვნიშნო, რომ ამ ეტაპზე შედეგები არ იძლევა საშუალებას, ზუსტად იქნას განსაზღვრული, რამდენ შემთხვევაში და რამდენ საარჩევნო ოლქში იქნება მეორე ტური. თუმცა, ის შედეგები,  რომელიც რამდენიმე უბნის მიხედვითაა დათვლილი, ჯერჯერობით აჩვენებს სურათს, რომ შესაძლებელია საკმაოდ დიდი რაოდენობის საარჩევნო ოლქებში მოხდეს მეორე ტურის გამართვა.აქედან გამომდინარე, თითოეული უბნის შედეგი არის მნიშვნელოვანი და იმ თვალსაზრისით, რომ საბოლოოდ ვნახოთ სურათი, წინასწარი მონაცემებით, სად იქნება დიდი ალბათობით შესაძლებელი მეორე ტურების გამართვა. ვაგრძელებთ შემაჯამებელი ოქმების დამუშავებას, რომ რაც შეიძლება მალე იქნას დამუშავებული როგორც პროპორციულ, ისე მაჟორიტარულ ნაწილში“,-განაცხადა თამარ ჟვანიამ და დასძინა, ხმის დათვლის პროცესი აქტიურად  მიმდინარეობს:

„დღეს დილის 8:00 საათზე მოხდა ჩვენი ხმის დათვლის ცენტრის თანამშრომელთა ახლებით ჩანაცვლება. ამ ეტაპზე დამუშავებულია1415 ოქმი, რომლის შედეგებიც უკვე ხელმისაწვდომია ცესკო-ს ვებგვერდზე“,-აღნიშნა ჟვანიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია