2016-10-09 01:42:38, 736 ნახვა
პოლიტიკა
ჯიხაშკარში მომხდარ ფაქტზე შსს-მ გამოძიება დაიწყო
ჯიხაშკარში მომხდარ ფაქტზე შინაგან საქმეთა სამინისტრომ გამოძიება დაიწყო. ამის შესახებ "ექსპრესნიუსს" შსს-ში განუცხადეს.
უწყების ინფორმაციით, მომხდარზე გამოძიება სისხლის სამართლის კოდექსის 163-ე მუხლით მიმდინარეობს, რაც საარჩევნო ან სარეფერენდუმო კომისიის მუშაობისთვის ხელის შეშლა, რამაც არჩევნების, რეფერენდუმის ან პლებისციტის ან/და საარჩევნო უბანში ხმის მიცემის პროცესის ჩაშლა გამოიწვია.
ცნობისთვის, ჯიხშკარში ხმების დათვლის პროცესი ჩაიშალა. საარჩევნო უბანზე, სადაც ხმების დათვლის პროცესი უნდა დაწყებულიყო, 100-ზე მეტი ადამიანი შევარდა და საარჩევნო ყუთი დაამტვრია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
