„ჩვენ ველოდებოდით ამ გამარჯვებას და შედეგიც მივიღეთ, ეს არის მთელი ქართველი ხალხის გამარჯვება, - ამის შესახებ საქართველოს ეკონომიკისა და მდგრადი განვითარების მინისტრმა დიმიტრი ქუმსიშვილმა ეგზიტპოლების გამოცხადების შემდეგ ჟურნალისტებს განუცხადა.

როგორც ქუმსიშვილმა აღნიშნა, ეს არის გამარჯვება, რომელიც ქვეყნის სწრაფი განვითარების, კეთილდღეობის და თავისუფლების საწინდარია.

 „ეს არის გამარჯვება, რომელიც გვაძლევს შესაძლებლობას ქვეყანა იმ ნათელი ხედვით წავიყვანოთ წინ, რომელიც ჩვენ გაგვაჩნია. განვავითაროთ ეს ქვეყანა და მივცეთ საუკეთესო მომავალი მას“, - განაცხადა ქუმსიშვილმა.

მინისტრის თქმით, მმართველმა გუნდმა დღეს დამაჯერებელი გამარჯვება მოიპოვა.

 „მე ვენდობი ქართველ ხალხს პირველ რიგში, და ვენდობი იმას, რომ ჩვენ გავიმარჯვეთ დამაჯერებლად. ჩვენი გამარჯვება სულ რამოდენიმე საათში დადასტუდება უკვე ოფიციალურად, საარჩევნო კომისიის მიერ, და ეს არის ქართველი ხალხის გამარჯვება. ეს არ არის „ქართული ოცნების“ გამარჯვება, ეს არის გამარჯვება, რომელიც ქართველ ხალხს მოუტანს სწრაფ განვითრებას“, - აღნიშნა მინისტრმა.

ცნობისთვის, ეგზიტპოლების პირველადი შედეგებით „ქართული ოცნება“ ლიდერობს, ხოლო მეორე ადგილზე „ნაციონალური  მოძრაობაა“. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს