„დღევანდელი გამარჯვება არის კიდევ ერთი გამოძახილი იმ უდიდესი გამარჯვების, რომელიც ქართველმა ხალხმა 2012 წლის 1 ოქტომბერს მოიპოვა ბიძინა ივანიშვილის ხელმძღვანელობით“, - ამის შესახებ საქართველოს პრემიერ-მინისტრმა გიორგი კვირიკაშვილმა პარტია „ქართული ოცნების“ ცენტრალურ ოფისში ეგზიტპოლების გამოქვეყნების შემდეგ განაცხადა.

როგორც პრემიერმა აღნიშნა, დღევანდელი გამარჯვება არის დადასტურება იმისა, რომ საქართველო ძალიან საამაყო ქვეყანაა.

 „ჩვენ ქვეყანას აქვს ძალიან ნათელი და საამაყო მომავალი. დღეს საქართველომ გასცა ძალიან მნიშვნელოვან კითხვას კიდევ ერთხელ პასუხი, არის თუ არა ჩვენთვის, ყველაზე მნიშვნელოვანი ადამიანის ღირსება; და რა თქმა უნდა ეს ასეა. ყველა წინასწარი მონაცემებით, „ქართული ოცნება“ ლიდერობს, მნიშვნელოვანი უპირატესობით. ეს არის უდიდესი გამარჯვება. მინდა მოგილოცოთ ყველა თქვენგანს და მინდა მადლობა გადავუხადო ყველას ვინც ძალიან დიდი მხარდაჭერა გამოთქვა იმ პოლიტიკური ძალის მიმართ, რომელმაც მნიშვნელოვანი გარდატეხა მოახდინა საქართველოს ცხოვრებაში. ჩვენ რა თქმა უნდა ველოდებით ოფიციალურ მონაცემებს, ცენტრალური საარჩევნო კომისიის, მაგრამ

ყველა წინასწარი მონაცემით „ქართული ოცნება ძალიან დიდი უპირატესობით გამარჯვებულია“, - აღნიშნა კვირიკაშვილმა.

გიორგი კვირიკაშვილმა, ყოფილ პრემიერს ბიძინა ივანიშვილს მადლობა გადაუხადა.

„ეს არის თითოეული ჩვენგანის გამარჯვება. ეს გამარჯვება არის დიდი ბრძოლით მოპოვებული. ყველას სახელით მინდა მადლობა გადაუხადო ბატონ ბიძინა ივანიშვილს, ამ გამარჯვებისთვის“, - განაცხადა კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს