ვეუბნები ხელისუფლებას, არ დავინახოთ, რომ ესეთი შედეგები გამოაქვეყნოს ცესკომ, გადაყვება ეს ხელისუფლება ამას, - ასე გამოეხმაურა „პატრიოტთა ალიანსის“ თავმჯდომარე დავით თარხან-მოურავი ეგზიტპოლის პირველად შედეგებს.

თარხან-მოურავი ეგზიტპოლებს სიყალბეს უწოდებს და აცხადებს, რომ „პატრიოტთა ალიანსს“ ბევრად მეტმა ადამიანმა დაუჭირა მხარი, ვიდრე ეს პირველად შედეგებშია ასახული.

„ეს არ არის პირველადი შედეგები, ეს არის ეგზიტპოლის შედეგები. 7 ათასი კაცი, ჩვენი პარტიის აქტივი, სპეციალურად იყო ინსტრუქტირებული, გვაინტერესებდა ვინმე ეგზიტოპლთან დაკავშირებით მათ რამეს თუ შეეკითხებოდათ. არც ერთს, ე.წ. ეგზიტპოლის მკვლევარებმა ერთი კითხვაც კი არ დაუსვეს. მე ვამბობ, რომ ეს ეგზიტპოლები არის სიყალბე, ამას სულ ვამბობდი. ცუდი ის კი არაა, რომ ამას „რუსთავი 2“ აკეთებეს, შეჩვეული ვართ, ხელისუფლება რომ აკეთებს, ეს არის ცუდი. ეს ნიშნავს, რომ ხელისუფლებას გონიერება საერთოდ არ აქვს და ეხლა რაღაც ტესტია, ჩვენ რას გავაკეთებთ, შევეგუებით თუ არა. მე ვეუბნები ხელისუფლებას, ამაზე უგუნური ნაბიჯი არაფერი არ შეიძლება მოიფიქროთ. თუ გაბედავთ უბრალოდ, რომ ეს შედეგები დარჩეს, პირობას ვაძლევ, რომ ეს ხელისუფლება გადაყვება ამ ამბავს.ეს არის წარმოუდგენელი ტყუილი, მიუღებელი ტყუილი. სრულიად წარმოუდგენელია, რომ ჩვენ გვქონდეს 5%, 20%-ის მარტო ხელშეკრულებები წარმოვადგინეთ სამი დღის წინ. ეს არის აბსოლუტური სისულელე. როგორც შეიძლება „ნაციონალურ მოძრაობას“ ქონდეს 32%. ვეუბნები ხელისუფლებას, არ დავინახოთ, რომ ესეთი შედეგები გამოაქვეყნოს ცესკომ, გადაყვება ეს ხელისუფლება ამას“, - განაცხადა დავით თარხან-მოურავმა.

მისივე თქმით, თუ საბოლოო შედეგები მათთვის მიუღებელი იქნება, „პატრიოტთა ალიანსი“ საპროტესტო აქციებს გამართავს.

 „აქციებიც იქნება, საკნებიც და კიდევ ბევრი რამე. ვეუბნები ხელისუფლებას, რომ გონიერება გამოიჩინოს“, - განაცხადა თარხან-მოურავმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს