უკრაინაში ჰეტმან პიოტრ საჰაიდაჩნის სახელობის სახმელეთო ჯარების ეროვნულ აკადემიაში სამეცნიერო საბჭოს საზეიმო შეხვედრა გაიმართა.

თავდაცვის სამინისტროს ინფორმაციით, აკადემიის ხელმძღვანელმა, გენერალ-ლეიტენანტ პაველ ტკაჩუკმა საქართველოს შეიარაღებული ძალების გენერალური შტაბის უფროსს, გენერალ-მაიორ ვახტანგ კაპანაძეს უკრაინის სახმელეთო ჯარების ეროვნული აკადემიის საპატიო დოქტორის წოდება მიანიჭა.

უწყების ინფორმაციით, საზეიმო ღონისძიებაზე ქართველ გენერალს დიპლომი, სამახსოვრო მედალი და მანტია გადაეცა.

გენერალური შტაბის უფროსმა საპატიო წოდება უკრაინის სამეცნიერო საბჭოს გადაწყვეტილებით მიიღო.

საზეიმო ღონისძიებაზე სიტყვით გამოსვლისას აკადემიის რექტორმა ქართულ-უკრაინულ ურთიერთობებზე გაამახვილა ყურადღება და აღნიშნა, რომ სწორედ უკრაინის შეიარაღებული ძალების მხარდაჭერამ და სამხედრო სფეროში მჭიდრო თანამშრომლობამ განაპირობა გენერალ-მაიორ ვახტანგ კაპანაძისთვის საპატიო წოდების მინიჭება.

„ჩემთვის დიდი პატივია ამ წოდების მიღება. ვიმედოვნებ, რომ ჩვენი თანამშრომლობა მომავალში კიდევ უფრო გაძლიერდება და გაღრმავდება. 1997-1999 წლებში უკრაინის ეროვნულ აკადემიაში ვსწავლობდი. სამხედრო საქმეში სწორედ აქ მივიღე საუკეთესო ცოდნა და განათლება. უკრაინას, უკრაინელ ძმებსა და თანამებრძოლებს საუკეთესოს ვუსურვებ. ჩვენ საერთო ღირებულებები გვაქვს და ვიცით, თუ როგორ უნდა მივაღწიოთ სასურველ შედეგს“, - აღნიშნა გენერალ-მაიორმა ვახტანგ კაპანაძემ.

შეხვედრაზე ასევე გადაწყდა, რომ სამეცნიერო საბჭოს მოწვევით, საქართველოს შეიარაღებული ძალების გენერალური შტაბის უფროსი უახლოეს მოამავალში უკრაინელი სამხედროებისთვის ლექციას წაიკითხავს. 

უკრაინის სახმელეთო ჯარების აკადემიაში სტუმრობისას, ქართველმა გენერალმა სამხედრო სასწავლებლის ხელმძღვანელობასთან ერთად აკადემიის ტერიტორიაზე არსებული მემორიალი ყვავილებით შეამკო და წუთიერი დუმილით პატივი მიაგო საბრძოლო მოქმედებებში დაღუპულ კურსდამთავრებულთა ხსოვნას.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ სანქტ-პეტერბურგთან ახლოს რუსეთის ერთ-ერთ უდიდეს ნავთობგადამამუშავებელ ქარხანას დაარტყა

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს