საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრის“ ახალგაზრდული პროგრამების ფარგლებში, ქალაქ ზუგდიდში „მრავალფეროვნების სკოლა“ გაიმართა.

პროექტის მიზანი  14-18 წლის ახალგაზრდებში სამოქალაქო და სამართლებრივი ცნობიერების ამაღლება იყო. პროექტში ადგილობრივი საჯარო სკოლების 25 მოსწავლე ჩაერთო.

„მრავალფეროვნების სკოლაში“ ჩატარდა ტრენინგები არაფორმალური განათლების მიმართულებით; გაიმართა გუნდური თამაშები და ფილმების ჩვენება.

პროექტის ფარგლებში  მონაწილეებმა მოისმინეს ტრენინგი შემდეგ თემებზე: ტოლერანტობის არსი და მნიშვნელობა; სტერეოტიპები მრავალფეროვნების კონტექსტში;  გენდერი და კულტურული მრავალფეროვნება.

„მრავალფეროვნების სკოლა“ ზუგდიდის იუსტიციის სახლში გაიმართა. პროექტის მონაწილეებს   სერტიფიკატები გადაეცათ.

სსიპ „დანაშაულის პრევენციის ცენტრის" ახალგაზრდული პროგრამები 16 ქალაქში ხორციელდება, რომელთა მიზანია 14-18 წლის ახალგაზრდებში სამოქალაქო და სამართლებრივი ცნობიერების ამაღლება, ჯანსაღი ცხოვრების წესის პოპულარიზაცია და  მოხალისეობრივი კულტურის განვითარების ხელშეწყობა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მიტროპოლიტ იობის გინების გამო, შსს-მ ლაშა ნაცვლიშვილის მიმართ ადმინისტრაციული წარმოება დაიწყო

საბა ლაზიშვილმა ამერიკულ ორგანიზაცია RAF-ში სადებიუტო ბრძოლა მოიგო

ორბანის წინააღმდეგ გამოძიების ფარგლებში, თითქმის 20 მილიონი დოლარის ფარული ფონდი აღმოაჩინეს

ზელენსკი - აშშ-მ იკითხა, დატოვებდა თუ არა უკრაინა დონბასს ნატოში გაწევრიანების შემთხვევაში.