მასწავლებელთა დღესთან დაკავშირებით  ბათუმის N17 საჯარო სკოლაში ღონისძიება გაიმართა, რომელიც სკოლის დაარსებიდან 115-ე წლისთავს დაემთხვა.

აჭარის მთავრობის პრესსამსახურის ინფორმაციით, შეკრებილ საზოგადოებას სიტყვით მიმართეს აჭარის მთავრობის თავმჯდომარემ ზურაბ პატარაძემ და აჭარის განათლების, კულტურისა და სპორტის მინისტრმა გიორგი თავამაიშვილმა.

"დღეს ჩვენ გვაქვს ახალი სკოლა. მოხდა მე-17 სკოლის რეაბილიტაცია, სადაც არის თანამედროვე სივრცე, ახალგარემონტებული ოთახები, საკლასო ინვენტარი, სპორტული მოედანი. ამ სკოლას ძალიან დიდი ხნის ისტორია აქვს. მომავალშიც წარმატებებს ვუსურვებ. აქვე ვისარგებლებ შემთხვევით და მასწავლებლებს მივულოცავ პროფესიულ დღესასწაულს. ჩვენი ქვეყნის პრიორიტეტია განათლების სექტორი, მომავალ თაობაზე ზრუნვა. დაგეგმილი გვაქვს არაერთი პროექტი. მომდევნო 4 წელი იქნება ძალიან საინტერესო და მნიშვნელოვან პროექტებს განვახორციელებთ"-აღნიშნა ზურაბ პატარაძემ.

მათივე ცნობით, ღონისძიების ფარგლებში სამინისტროს მადლობის სიგელები გადაეცა სკოლის 4 ღვაწლმოსილ პედაგოგს.

სტუმრებმა სკოლის შენობა დაათვალიერეს, რომლის რეაბილიტაციაც აჭარის განათლების, კულტურისა და სპორტის სამინისტროს მიზნობრვი პროგრამის „საჯარო სკოლების ინფრასტრუქტურის გაუმჯობესების" ფარგლებში-დასრულდა.

 პროექტის მიხედვით მოწესრიგდა სკოლის ინფრასტრუქტურა, გამოიცვალა კარ-ფანჯრები, გარემონტდა საკლასო ოთახები, მოწესრიგდა სველი წერტილები.

სკოლა აღიჭურვა ახალი სასწავლო და საოფისე ინვენტარით. მოეწყო ინკლუზიური ოთახი და სააქტო დარბაზი.

სკოლის შენობის სარეაბილიტაციო სამუშაოები შეასრულა ტენდერში გამარჯვებულმა კომპანიამ შპს" პატრიოტი". სარეაბილიტაციო სამუშაოების ღირებულებამ შეადგინა 850 729 ლარი. პროექტის მიხედვით სკოლის შიდა ეზოში აშენდება ახალი სპორტული დარბაზი.

აღსანიშნავია, რომ მე-17 საჯარო სკოლის ისტორია 1902 წლიდან იღებს სათავეს.

სკოლის ხანგრძლივი არსებობის მიუხედავად დღემდე არ გააჩნდა დახურული სპორტული დარბაზი. მიხედავად ამისა მოსწავლეები აქტიურად იყვნენ ჩართულნი ქალაქის სპორტულ ღონისძიებებში და სხვადასხვა ჩემპიონატებში არაერთი გამარჯვება აქვთ მოპოვებული.

სპორტული დარბაზის მშენებლობა დასრულდება 2017 წელს.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთის საჰაერო დარტყმების შედეგად ხარკოვში 22 ადამიანი დაშავდა, ხოლო კიევში - ოთხი

რუსულმა დარტყმამ უკრაინაში გერმანული კომპანია Kärcher-ის კუთვნილი საწყობი გაანადგურა

i24NEWS: ნეთანიაჰუმ ერდოღანის წინააღმდეგ საერთაშორისო სისხლის სამართლის სასამართლოსთვის საქმის მომზადება ბრძანა

ეგვიპტემ ისრაელი ჰამასის 2023 წელს მოსალოდნელი თავდასხმის შესახებ გააფრთხილა