შინაგან საქმეთა მინისტრმა, გიორგი მღებრიშვილმა, დონორთა ყოველწლიური საკოორდინაციო შეხვედრა გახსნა.

შსს-ს ინფორმაციით, მღებრიშვილმა კონფერენციაში მონაწილე დონორი ორგანიზაციებისა და პარტნიორი სახელმწიფოების წარმომადგენლებს უწყებაში მიმდინარე და დაგეგმილი პროექტების, ასევე, არსებული მიღწევების შესახებ დეტალური ინფორმაცია მიაწოდა.

„პირველ რიგში, მსურს, მადლობა გადავუხადო ჩვენს პარტნიორ ორგანიზაციებს, განსაკუთრებით კი, აშშ-ს საელჩოსა და ევროკავშირის დელეგაციას საქართველოში, რომელთაც უდიდესი წვლილი მიუძღვით შსს-ს სხვადასხვა მიმართულების განვითარების პროცესში. მოგეხსენებათ, ევროატლანტიკური ინტეგრაცია საქართველოს მთავრობის საგარეო პოლიტიკის უმთავრესი პრიორიტეტია და შსს-ში განხორციელებული რეფორმები სწორედ საერთაშორისო სტანდარტებთან მიახლოებას ისახავს მიზნად. ჩვენი მიზანია ძლიერი ინსტიტუტის ჩამოყალიბება, რომელიც ღირსეულად გაართმევს თავს თავის უმთავრეს ფუნქციებს: დაიცვას საზოგადოებრივი წესრიგი და უსაფრთხოება, ეფექტიანად ებრძოლოს დანაშაულს და მოახდინოს მისი პრევენცია“, - განაცხადა მღებრიშვილმა.

გიორგი მღებრიშვილმა განსაკუთრებული ყურადღება გაამახვილა შსს-ს ინსტიტუციურ განვითარებაზე, საგამოძიებო და პრევენციული მიმართულებების გაძლიერებაზე.

კონფერენციაზე შსს-ს საერთაშორისო ურთიერთობების დეპარტამენტის თანამშრომლებმა სტუმრებს სამინისტროში განხორციელებული პროექტების შესახებ პრეზენტაცია, ასევე, შს დანაყოფების არსებული საჭიროებების ანალიზის შედეგები წარუდგინეს, რომლებიც მოკლე და საშუალო ვადიანი პრიორიტეტებისა და სხვადასხვა საერთაშორისო ვალდებულებიდან გამომდინარეობს.

კონფერენციას საერთაშორისო და არასამთავრობო ორგანიზაციების, ევროკავშირის წევრი ქვეყნების, დიპლომატიური მისიისა და საქართველოს მთავრობის შესაბამისი უწყებების წარმომადგენლები ესწრებოდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს