საქართველომ იძულებით გადაადგილებულ პირთა საცხოვრებელი პირობების გაუმჯობესების კუთხით პროგრესს მიაღწია, - ამის შესახებ დევნილთა საკითხებში გაეროს სპეციალურმა მომხსენებელმა ჩალოკა ბეიანიმ განაცხადა.

ლტოლვილთა და განსახლების სამინისტროს ინფორმაციით, გაეროს სპეციალურმა მომხსენებელმა, დევნილთა და განსახლების მინისტრთან სოზარ სუბართან ერთად, თბილისის ზღვის მიმდებარე ტერიტორიაზე დევნილი ოჯახებისთვის ახალაშენებულ კორპუსებში გადაცემული ბინები დაათვალიერა, დევნილებს გაესაუბრა  და მათ საცხოვრებელ პირობებს ადგილზე გაეცნო.

ჩალოკა ბეიანის განცხადებით,  მისი წინა ვიზიტისას გაცემული ერთ-ერთი რეკომენდაცია სწორედ დევნილთა საცხოვრებლით უზრუნველყოფას  უკავშირდებოდა და მოხარულია, რომ ეს პროცესი წარმატებით მიმდინარეობს და დევნილები ახალ სახლებში ბედნიერები არიან.

დევნილთა და განსახლების მინისტრის სოზარ სუბარის განცხადებით, 2014 წელს, გაეროს ადამიანის უფლებების საბჭოსთვის მომზადებული ჩალოკა ბეიანის ანგარიშში მოცემული რეკომენდაციების ძირითადი ნაწილი შესრულებულია.

„ეს არის   გაეროს სპეციალური მომხსენებლის მეორე ვიზიტი საქართველოში.  წინა ვიზიტის დროს მან მოგვცა ფასეული რეკომენდაციები. დღეს, ჩვენ ვანახეთ ის პროგრესი, რომელსაც მივაღწიეთ და ასევე ის პრობლემები,  რომლებიც ჯერ კიდევ გვაქვს.  რეკომენდაციებს რაც შეეხება, შემიძლია თამამად ვთქვა, რომ ძირითად ნაწილში  რეკომენდაციები შესრულებულად შეიძლება ჩაითვალოს“, - განაცხადა სოზარ სუბარმა.

დევნილთათვის გადაცემული ბინების მონახულებამდე, გაეროს სპეციალური მომხსენებელი დევნილთა და განსახლების სამინისტროში გამართულ შეხვედრას დაესწრო, სადაც  დევნილთა გრძელვადიანი განსახლების, საცხოვრებელი ფართების საკუთრებაში გადაცემისა და საარსებო წყაროებით უზრუნველყოფის პროგრამების შესახებ დეტალური ინფორმაცია მოისმინა.

საქართველოში ოფიციალური ვიზიტის ფარგლებში,  ჩალოკა ბეიანი ზუგდიდსაც ეწვევა, სადაც იძულებით გადაადგილებულ პირთა ახალ ჩასახლებას. 

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს