საზოგადოება “20/30“-ის ხელმძღვანელი  გიორგი მამულაშვილი თსუ-ში განვითარებულ მოვლენებთან დაკავშირებით განცხადებას ავრცელებს.

მამულაშვილი თბილისის სახელმწიფო უნივერსიტეტის სტუდენტებს მაქსიმალური სიმშვიდისკენ მოუწოდებს. 

„პროცესები სამართლებრივ ჩარჩოებს არ უნდა გასცდეს. რა თქმა უნდა, სტუდენტებს, ისევე როგორც თითოეულ მოქალაქეს, აქვთ პროტესტის გამოხატვის უფლება, ეს ნორმალურია. მაგრამ მიმაჩნია, რომ ამ ეტაპზე აუცილებელია კონსტრუქციული მიდგომა. შეხვედრები და დიალოგი, რათა არ წარმოიქმნას გაუგებრობა. არ შეიძლება აჩქარება და გადაწყვეტილებების ემოციურ ფონზე მიღება, რამაც შეიძლება გამოიწვიოს გარე ძალების უხეში ჩარევა. ვიზიარებ სტუდენტების კითხვებს, რომელთაც პასუხები უნდა გაეცეს.

კიდევ ერთხელ, მოვუწოდებ  უნივერსიტეტის სტუდენტებს თავშეკავებულობისაკენ, რათა ყოველივე ეს არ გადაიზარდოს უმართავ პროცესში. ვფიქრობ, რომ უნივერსიტეტი ერთი ორგანიზმია და აქ არ არსებობენ მხარეები. ვფიქრობ, ყველამ უნდა იმოქმედოს უნივერსიტეტის საერთო ინტერესებიდან გამომდინარე. ვიმედოვნებ, უახლოეს მომავალში  ყველა საკითხი უნივერსიტეტის სასარგებლოდ გადაწყდება. ყურადღებით მივადევნებ თვალს პროცესებს’,-აღნიშნავს გიორგი მამულაშვილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს