თბილისის მეტროპოლიტენში მუშაობა დროებით შეჩერებული იყო

თბილისის მეტროპოლიტენის ახმეტელი-ვარკეთილის ხაზზე, დაახლოებით ნახევარი საათის განმავლობაში მატარებლების მოძრაობა შეჩერებული იყო.

როგორც „ექსპრესნიუსს“ თბილისის სატრანსპორტო კომპანიის საზოგადოებასთნ ურთიერთობის სამსახურში განუცხადეს,  დღეს, 08:55 წუთზე მეტროსადგურ „ნაძალადევში“ მოძრავ შემადგენლობას ტექნიკური ხარვეზი ჰქონდა, რის გამოც ახმეტელი-ვარკეთილის ხაზზე მატარებლების მოძრაობის შეჩერება გახდა საჭირო.

„ნაძალადევის მეტროსადგურში მოძრავ შემადგენლობას ტექნიკური ხარვეზი ჰქონდა. სანამ მოხდა ხარვეზის ადგილზე აღმოფხვრა, რომ ეს შემადგენლობა გადაეყვანათ ჩიხში და სათადარიგო მოძრავი შემადგენლობა გამოეყვანათ, დაახლოებით 25-30 წუთი, ახმეტელი-ვარკეთილის მონაკვეთზე შეფერხდა მოძრაობა. მოძრაობა შეფერხდა დაახლოებით 8:55 საათზე, 09:30  საათზე კი, ვარკეთილი-ახმეტელის მონაკვეთზე მოძრაობა აღდგა“, - განუცხადეს „ექსპრესნიუსს“ სატრანსპორტო კომპანიის პრესსამსახურში.

მათივე ცნობით, მომხდარის გამო საბურთალოს ხაზზე მეტროპოლიტენის მუშაობა არ შეფერხებულა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დაბომბვის შემდეგ პირველად ისტორიაში, სერბეთმა ნატოსთან ერთად პირველი სამხედრო წვრთნა დაიწყო

საფრანგეთში, ნოროვირუსის აფეთქების გამო, კარანტინში მოათავსეს 1700 ადამიანის გადამყვანი საკრუიზო გემი

დუმამ ოკუპირებულ ცხინვალთან მოკავშირეობის გაღრმავების კანონპროექტი მიიღო

საქართველოს ბანკის შეთავაზებები მოსწავლეებისთვის - მიიღეთ ქეშბექი საყვარელ ობიექტებში