თბილისში ავსტრიის საელჩო გაიხსნა. საელჩოს  გახსნის ღონისძიებასთან დაკავშირებით, საქართველოს ოფიციალური ვიზიტით ავსტრიის  საგარეო საქმეთა  სამინისტროს  გენერალური მდივანი, ელჩი მიხაელ ლინჰარტი ეწვია.

როგორც მან ჟურნალისტებს განუცხადა, ავსტრიის საელჩოს გახსნა საქართველოში ხელს შეუწყობს  ორ ქვეყანას შორის პოლიტიკური, ეკონომიკური და კულტურული ურთიერთობების გაძლიერებას.

ამასთან, საქართველოს საგარეო საქმეთა მინისტრის მოადგილის გიგი გიგიაძის თქმით,სტრატეგიული გეოპოლიტიკური მდებარეობისა და ევროპული  მისწრაფებების მიხედვით,  საქართველო  რეგიონის მნიშვნელოვანი მოთამაშეა. მისივე განმარტებით, საქართველო კვლავ რჩება ავსტრიის განვითარების  თანამშრომლობის  ფარგლებში პრიორიტეტულ ქვეყნად:

"ეს არის ძალიან მნიშვნელოვანი დღე როგორც საქართველოსთვის, ასევე ავსტრიისთვის. ავსტრიის ხელისუფლებამ მიიღო გადაწყვეტილება, რომ საქართველოში გაეხსნა საელჩო. ეს გადაწყვეტილება მიიღეს საკმაოდ გამომწვევ პერიოდში, მშინ, როცა ბევრი ევროპული ქვეყანა ხურავს საელჩოებს. ეს კიდევ ერთხელ მეტყველებს იმაზე, რომ საქართველო არის ძალიან საინტერესო ქვეყანა ავსტრიაში. საქართველოსთან ინტერესი  დასავლეთ ევროპული ქვეყნების მხრიდან იზრდება და ეს, რასაკვირველია, ჩვენი მხრიდან ძალიან მისასალმებელია",-აღნიშნა გიგი გიგიაძემ.

ვიზიტის  ფარგლებში ელჩმა შეხვედრები გამართა  საქართველოს საგარეო  საქმეთა სამინსიტროს ოფიციალურ პირებთან, ასევე ის  ეწვევა ევროკავშირის სადამკვირდვებლო  მისიის EUMM ადგილობრივ ოფისს მცხეთაში და  სამხრეთ-ოსეთის ადმინისტრაციულ საზღვარს მოინახულებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო