ვატიკანის საელჩოსთან მართლმადიდებელ მშობელთა კავშირის ორგანიზაცებით, რომის პაპის ვიზიტის წინააღმდეგ „ლოცვითი დგომის აქცია" გაიმართა. აქციის მონაწილეები საელჩოსთან პროტესტს ლოცვით გამოხატავდნენ.

როგორც აქციის მონაწილეებმა განაცხადეს, „მათ არ სჭირდებათ რომის პაპის და კათოლიკური ეკლესიის ქადაგება“.

"ეს ადამიანი საქართველოში ჩამოდის საქადაგებლად და ის არის აგრესორი. ჩამოდის, რომ აცდინოს მართმადიდებელი ერი. პარაკლისს ვატარებთ, რომ ეს ადამიანი აქ არ ჩამოვიდეს", - განაცხადა დეკანოზმა გურამ გამცემლიძემ.

ცნობისთვის, „მართლმადიდებელ მშობელთა კავშირის" განცხადებაში პაპი ერეტიკოსად და „მამათმავლობის მფარველად" არის მოხსენიებული.

„მართლმადიდებელთა დიდი ნაწილი ევრ ერკვევა, თუ როგორი დამღუპველია პაპიზმი მართლმადიდებლებისთვის. რომის პაპის ვიზიტი საქართველოში დიდ შეშფოთებასა და ვნებათაღელვას იწვევს მორწმუნე ერში. როგორც ვატიკანის რადიომ განაცხადა, „პაპი განახორციელებს სამოციქულო ვიზიტს კავკასიაში“, რაც უკვე მრავლისმთქმელია. მაშინ, როდესაც საქართველოს ეკლესიის ავტორიტეტი მართლმადიდებულ სამყაროში განუზომლად დიდია, როდესაც სხვა ეკლესიების მორწმუნენი იმედის თვალით შეჰყურებენ ჩვენს ეკლესიასა და პატრიარქს, ეს ვიზიტი, პაპთან შეხვედრა,ის ანტიეკლესიური ეტიკეტი, როგორიცაა ამბორისყოფა, მწვალებლური საკრებულოს „წმინდა საყდრად“ მოხსენიება, არქიერეტიკოსთან ერთად თანალოცვა, პაპის შესვლა მართლმადიდებლურ ტაძარში და იქ ნებისმიერი ქმედება, ყოველივე ის, რაც საეკლესიო სამართლით აკრძალულია და მკაცრ სასჯელს ექვემდებარება, დაამცრობს ჩვენი ეკლესიისა და მისი პატრიარქის ავტორიტეტს, იმედს გაუცრუებს ქართველ და არაქართველ მორწმუნეებს“, - ნათქვამია „მართმადიდებელ მშობელთა კავშირის" მიერ გავრცელებულ განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო

ლარსის გამშვებ პუნქტზე რუსი მესაზღვრეები ქართველ მძღოლებს დოკუმენტების სწრაფად მიღებისთვის დიდ გადასახადებს თხოვენ

2025 წელს საქართველოში 13 000-ზე მეტი ახალი სამუშაოს მაძიებელი დარეგისტრირდა