ნიუ-იორკში ამოქმედებული ასაფეთქებელი მოწყობილობა ბოსტონის მარათონის დროს აფეთქებული ბომბების იდენტურია

2016-09-19 14:21:35, 1854 ნახვა

მსოფლიო

17 სექტემბერს ნიუ-იორკში ამოქმედებული ასაფეთქებელი მოწყობილობა და შემთხვევის ადგილთან აღმოჩენილი მეორე ხელნაკეთი ბომბი დამზადებული იყო ბოსტონის მარათონზე 2013 წელს აფეთქებული მოწყობილობების იდენტურად, - ამის შესახებ BBC იუწყება.

როგორც მედია საშუალება წერს, დეტონატორებად ასაფეთქებელ მოწყობილობებში მობილური ტელეფონები და საშობაო ნათურები იყო გამოყენებული.

შეგახსენებთ, რომ მანჰეტენის ჩელსის რაიონში მომხდარი აფეთქების შედეგად 29 ადამიანი დაშავდა. მოგვიანებით, შემთხვევის ადგილის მახლობლად კიდევ ერთი ასაფეთქებელი მოწყობილობა აღმოაჩინეს.

აფეთქებასთან დაკავშირებით დაკავებულია 5 ადამიანი, თუმცა ბრალი არავისთვის წაუყენებიათ.

აღსანიშნავია, რომ ნიუ-იორკის შტატის გუბერნატორმა ენდრიუ კუომომ მომხდარს ტერორიზმის აქტი უწოდა.

ცნობისთვის, 2013 წლის აპრილში ბოსტონის მარათონის დროს ორი ბომბის აფეთქების შედეგად 3 ადამიანი გარდაიცვალა, ხოლო 260 დაშავდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან