იუსტიციის მინისტრი თეა წულუკიანი ფოკის საჯარო სკოლას ეწვია და ფოკელ მოსწავლეებს სასწავლო წლის დაწყება პირადად მიულოცა.

მინისტრმა პირველკლასელებს და ფოკის საჯარო სკოლის მაღალი კლასის მოსწავლეებს წარმატებული სასწავლო წელი უსურვა და სახელმწიფო ენის შესწავლის აუცილებლობაზე ესაუბრა:

„იმისათვის, რომ თითოეული თქვენგანი იყოს ამ ქვეყნის წარმატებული მოქალაქე, აუცილებელია, ისწავლოთ ქართული ენა ისევე, როგორც მშობლიური ენა იცით. კარიერის მანძილზე სახელმწიფო სამსახურში წარმატების მისაღწევად უმნიშვნელოვანესია, ფლობდეთ სახელმწიფო ენას. ამისთვის თქვენ გყავთ შესანიშნავი მასწავლებელი კლარა ფოცხვერაშვილი, რომელმაც თავისი ცხოვრება გადადო იმისათვის, რომ თქვენ ქართული ისწავლოთ. სწორედ ამ მიზნით ჩვენ დღეს ფოკაში საზოგადოებრივ ცენტრთან ბიბლიოთეკას და შეხვედრების დარბაზს ვხსნით. ბიბლიოთეკაში თქვენ გექნებათ წიგნები, კომპიუტერები, სადაც ჩატვირთულია ელექტრონული ბიბლიოთეკა; გექნებათ შეხვედრების დარბაზი ტრენინგებისთვის, რომელსაც ჩვენ ცოდნის გასაღრმავებლად გთავაზობთ; და ჩვენ გავაკეთებთ ყველაფერს, რომ იყოთ საქართველოს წარმატებული მოქალაქეები“.

როგორც თეა წულუკიანმა აღნიშნა, ფოკის საჯარო სკოლა უკვე არის განსაკუთრებული, ვინაიდან ამ სკოლის 70 მოსწავლე წელს საქართველოს სხვადასხვა უმაღლესი სასწავლებლის სტუდენტი გახდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინის სპეციალური წარმომადგენელი უკრაინასთან დაკავშირებული მოლაპარაკებებისთვის თითქმის ერთი წლის შემდეგ პირველად აშშ-ში ჩავიდა

რეჟიმის წარმომადგენელი პაპუაშვილი გორში ფესტივალის გაუქმების დაგმობის გამო, ევროკავშირს თავს ლუქსემბურგიდან ესხმის

პაპუაშვილი – ე.წ. უწყვეტი პროტესტი მიმართულია იქითკენ, თავის თავს რაღაცნაირად დააჯერონ, რომ არსებობენ

ევროკავშირი სინანულს გამოთქვამს უსაფრთხოების მიზეზით გორში ფესტივალ კამარას გადადების გამო