სამიტი, ევროპის რეგიონთა ასამბლეის პრეზიდენტმა, ქალბატონმა ჰანდე ბოზათლიმ და აჭარის მთავრობის თავმჯდომარემ, ზურაბ პატარაძემ მისასალმებელი სიტყვით გახსნეს.

,, ჩვენ რეგიონში არ წყდება კონფერენციების, სამიტებისა და ფორუმების ნაკადი. ამის ნათელი მაგალითია დღევანდელი ერას კონფერენცია, რომელიც აჭარაში პირველად ტარდება. ბათუმი ძალიან ბევრ მაღალჩინოსან სტუმარს მასპინძლობს ევროკავშირის სხვადასხვა სტრუქტურებიდან. დღეს, კიდევ ერთხელ დამტკიცდა, რომ ბათუმი ნამდვილად ევროპული ქალაქია, სწორი გზითა და მიმართულებით ევროპისკენ. ამ ორგანიზაციასთან ერთად განვიხილავთ სხვადასხვა პროექტებს. მათი ხელშეწყობით ბევრი ახალგაზრდა გაემგზავრება კვალიფიკაციის ასამაღლებლად ევროპის სხვადასხვა ქვეყანაში. დაგეგმილია მრავალი ერთობლივი ღონისძიება. ეს არის თანამშრომლობა, როგორც პოლიტიკური, ასევე კულტურულ-ჰუმანიტარული, სავაჭრო-ეკონომიკური კუთხით, რაც ხელს შეუწყობს ჩვენი რეგიონის, ჩვენი ქალაქის განვითარებას"-აღნიშნა ზურაბ პატარაძემ.

ევროპის რეგიონთა ასამბლეის სამიტი საქართველოში პირველად ტარდება და მას ევროპის წამყვანი რეგიონების 80-მდე დელეგატი ესწრება. 

აჭარის რეგიონის შესახებ სტუმრების წინაშე სპეციალური პრეზენტაციით აჭარის მთავრობის წარმომადგენლები წარსდგენ. გაიმართა 2014-2020 წლების ერთობლივი სამოქმედო პროგრამის პრეზენტაცია, იმსჯელეს ბიზნესისა და მეწარმეობის როლზე სოფლის მეურნეობაში, შავი ზღვის რეგიონში გარემოსდაცვით გამოწვევებსა და სასწავლო ქსელების გამოყენებით მიღწეული მდგრადი განვითარების საკითხებზე. 

ევროპის რეგიონთა ასამბლეა წარმოადგენს რეგიონთაშორისი თანამშრომლობის ფორუმს და ევროპის დონეზე რეგიონთა ინტერესების დაცვის ფართო ქსელს, რომელშიც გაერთიანებულია ევროპის 35 ქვეყნის რეგიონები და 15 რეგიონთაშორისი ორგანიზაცია.

საქართველოს ერას ასამბლეაში ჯერ-ჯერობით მხოლოდ აჭარა და გურიაა წარმოდგენილი. აჭარის ავტონომიური რესპუბლიკა ჯერ კიდევ 1997 გახდა ევროპის რეგიონთა ასამბლეის სრულუფლებიანი წევრი. 

სხვა ევროპულ ორგანიზაციებთან ერთად, ერა უმნიშვნელოვანეს როლს ასრულებს რეგიონულ დონეზე ქვეყნების ევროპული ინტეგრაციის ხელშეწყობაში. 

ევროპის რეგიონთა ასამბლეის შავი ზღვის სამიტი აჭარის ავტონომიური რესპუბლიკის მთავრობის მხარდაჭერითა და ორგანიზებით ტარდება.https://www.youtube.com/watch?v=cAY6ZdYgnzg&feature=youtu.be

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

16 მაისიდან N304 მარშრუტზე 18-მეტრიანი ავტობუსები იმოძრავებენ

ასტრახანის მახლობლად, „გაზპრომის“ ქარხანას დრონებით თავდასხმის დროს ცეცხლი გაუჩნდა

საფრანგეთის საელჩო - საფრანგეთი წარმატებებს უსურვებს ახალ პატრიარქს სულიერი მისიის შესრულებაში საქართველოს ერთიანობის სამსახურში

მოსკოვის საპატრიარქოს მილოცვა - ჩვენ დიდად ვაფასებთ იმ ფაქტს, რომ თქვენი ცხოვრების ნაწილი დაკავშირებულია მოსკოვთან