გარემოსა და ბუნებრივი რესურსების დაცვის მინისტრმა გიგლა აგულაშვილმა ბეჭდური და ელექტრონული მედიის წარმომადგენლებს მარტვილის კანიონზე უმასპინძლა.

მედიის წარმომადგენლებმა კანიონზე ახლადაშენებული ვიზიტორთა ცენტრი და საგამოფენო დარბაზი დაათვალიერეს. ჟურნალისტები დადიანების ბილიკის გავლით ისტორიულ კიბეზე, გადასახედებზე და საბანაო „ოფუცხოლეზე“ იმყოფებოდნენ. ტურის ბოლოს მედიის წარმომადგენლებმა მინისტრთან ერთად კანიონზე ნავებით გაისეირნეს.

მარტვილის კანიონის ბუნების ძეგლზე დაცული ტერიტორიების სააგენტოს დაფინანსებით 2016 წელს აშენდა ვიზიტორთა ცენტრი, მოეწყო ტურისტული ბილიკები და ნავმისადგომი. ინფრასტრუქტურულ სამუშაოებზე 1 223 907 ლარი დაიხარჯა. კანიონზე ინფრასტრუქტურის მშენებლობისა და არსებული ვითარების მოწესრიგების პროცესში მთავრობამ გაითვალისწინა ადგილობრივი მოსახლეობის ინტერესები და კანიონის საწყალოსნო მონაკვეთზე ტურისტული სერვისის მართვის უფლება აქუციონზე გატანის ნაცვლად პირდაპირი წესვით გადაეცა შპს „ოფუცხოის“ რომელშიც 80-მე ადგილობრივი ოჯახია გაერთიანებული. 

"2010 წლამდე კარგი საბანაო ადგილი იყო. 2012 წლიდან მოსახლეობამ დაიწყო ნავებით მომსახურება. შემდეგ ჩვენ შევთავაზეთ მათ გაერთიანება. ახლა კულტურულად ყველა წესების დაცვით ხორციელდება მომსახურება. მაგრამ უნდა ითქვას, რომ ადამიანებს არ სჯეროდათ ჩვენი. ფიქრობდნენ, რომ გავყრიდით მათ. როცა შევთავაზეთ, გაეკეთებინათ შპს, პროცესი გაიწელა  თვეების განმავლობაში. უმძიმესი პროცესი გავიარეთ და ეს იქნება კარგი მაგალითი პოზიტიური  თანამშრომლობისა საზოგადოებისა და სახელმწიფოს თვალსაზრისით",-აღნიშნა გარემოს დაცვის მინისტრმა გიგლა აგულაშვილმა.

აღსანიშნავია, რომ მარტვილის კანიონს 2 თვის განმავლობაში 40 000 ვიზიტორზე მეტი ექსტუმრა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის საპატრიარქოს მილოცვა - ჩვენ დიდად ვაფასებთ იმ ფაქტს, რომ თქვენი ცხოვრების ნაწილი დაკავშირებულია მოსკოვთან

მსოფლიო პატრიარქის გულისამაჩუყებელი მიმართვა საქართველოს ახალი პატრიარქისადმი

მინისტრების, სახელმწიფო რწმუნებულებისა და მერების მოადგილეებს სახელფასო დანამატისა და ფულადი ჯილდოს მიღების შესაძლებლობა ექნებათ

საქართველოდან უცხო ქვეყნის 74 მოქალაქე გააძევეს