2016 წლის 7 სექტემბერს, 14:00 საათზე, მცხეთის მუნიციპალიტეტის სოფელ ქსანში ქვესადგურის „ქსანი-500/220/110 კვ“ რეაბილიტაციის პროექტის დასრულების საზეიმო ცერემონია გაიმართა.

ცერემონია საქართველოს ვიცე-პრემიერმა/ენერგეტიკის მინისტრმა - კახა კალაძემ გახსნა. ღონისძიებაზე სიტყვით გამოვიდნენ: „საქართველოს სახელმწიფო ელექტროსისტემის“ მმართველთა საბჭოს თავმჯდომარე სულხან ზუმბურიძე, აზიის განვითარების ბანკის მუდმივი წარმომადგენელი საქართველოში ქ-ნი იეშიმ ელჰან-კაიალარი და კომპანია Siemens Austria-ს წარმომადგენელი გერდ პოლჰამერი.

”ეს ქვესადგური არის კიდევ ერთი წინ გადადგმული ნაბიჯი საერთო ევროპული ენერგეტიკული ოჯახის სრულუფლებიანი წევრობისაკენ. განვითარებული და ძლიერი ენერგოსექტორი საქართველოს განვითარებული ეკონომიკის მაჩვენებელია. მადლობას ვუხდი ყველა იმ ადამიანს, ვინც პირველივე დღეებიდან იყო ჩართული აღნიშნული პროექტის განხორციელებაში“, - აღნიშნა თავის გამოსვლაში კახა კალაძემ.

„ჩვენი მიზანია უცვლელია: გავაძლიეროთ შიდა ქსელი, დავაკავშიროთ ახალი გენერაციის წყაროები სისტემასთან და გავზარდოთ მეზობელ ქვეყნებთან ელექტროენერგიის გადადინების შესაძლებლობა“, - განაცხადა „საქართველოს სახელმწიფო ელექტროსისტემის“ მმართველთა საბჭოს თავმჯდომარემ სულხან ზუმბურიძემ.

პროექტის განხორციელებით, შესაძლებელი გახდა აღმოსავლეთ საქართველოს, განსაკუთრებით თბილისისა და შიდა ქართლის ელექტროენერგიით მომარაგების გაუმჯობესება, მკვეთრად გაიზარდა საქართველოს ენერგოსისტემის საიმედოობა და ხელი შეეწყო ელექტროენერგიის ექსპორტსა და იმპორტს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს