სოფლის მეურნეობის მინისტრი ოთარ დანელია ბელარუსის რესპუბლიკის პირველ ელჩს საქართველოში მიხეილ მიატლიკოვს შეხვდა.

შეხვედრაზე ოთარ დანელიამ ხაზიგაუსვა  ორ ქვეყანას შორის არსებული მეგობრული ურთიერთობის მნიშვნელობას. მინისტრმა აღნიშნა, რომ ბოლო წლებში   სახელმწიფომ  აგრარული დარგის პრიორიტეტულად გამოაცხადა და დარგის განვითარების მიმართულებით არაერთი მნიშვნელოვანი პროექტი შემუშავდა.

ოთარ დანელიამ დეტალურად ისაუბრა სოფლის მეურნეობის სფეროში განხორციელებულ და მიმდინარე პროექტებზე, უკვე მიღწეულ შედეგებზე და სოფლის მეურნეობის განვითარების სტარტეგიიტ გათვალისწინებულ პრიორიტეტულ მიმართულებებზე. 

სოფლის მეურნეობის მინისტრმა ბელარუსის რესპუბლიკის ელჩს საქართველოში სოფლის მეურნეობის დარგის საინვესტიციო პოტენციალი გააცნო. ოთარ დანელიამ საექსპორტო ბაზრების დივერსიფიკაციის მნიშვნელობაზე და  ქართული პროდუქციის, კერძოდ, ღვინის, მინერალური წყლების და თხილის საექსპორტო პოტენციალზე  ისაუბრა.

ბელარუსის რესპუბლიკის ელჩმა დადებითად შეაფასა ორ ქვეყანას  შორის მეგობრული ურთიერთობა. მიხეილ მიატლიკოვმა ვრცლად ისაუბრა ქვეყნებს შორის მჭიდრო ეკონომიკური თანამშრომლობის შესახებ და ბელარუსის რესპუბლიკაში ქართული პროდუქციის ექსპორტის ზრდის სურვილი გამოთქვა.   ელჩმა  1-4 სექტემბერს, საგამოფენო ცენტრში „ექსპო ჯორჯია“ დაგეგმილ ბელარუსის ეროვნულ გამოფენაზე ოთარ დანელია  პირადად მიიწვია და აღნიშნა, რომ გამოფენაზე სასოფლო-სამეურნეო ტექნიკასთან ერთად, სასოფლო-სამეურნეო პროდუქცია იქნება წარმოდგენილი. 

შეხვედრას სოფლის მეურნოების მინისტრის მოადგილე იური ნოზაძე ესწრებოდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვიღებთ სრულ პასუხისმგებლობას ანტიდოპინგური პროცესის გაუმჯობესებაზე – რაგბის კავშირი

პუტინმა განაცხდა უკვე მეშვიდედ, რომ რაკეტა სარმატა გამოსცადა

ზატულინი -ევროკავშირი საქართველოს რუსეთის წინააღმდეგ „მეორე ფრონტის“ გახსნისკენ უბიძგებს

საქართველოში რუსეთის ინტერესების სექცია - ახალი პატრიარქის არჩევის შესახებ ამბავი რუსეთში დიდი ენთუზიაზმით მიიღეს