თბილისის მერიის კეთილმოწყობის საქალაქო სამსახურის უფროსმა გივი კუბლაშვილმა და სამგორის რაიონის გამგებელმა გიორგი ბაგრატიონმა სამგორის რაიონში მიმდინარე, დასრულებული და დაგეგმილი პროექტები დაათვალიერეს.

დედაქალაქის მერიის ინფორმაციით, მიმდინარე წელს, კეთილმოწყობის საქალაქო სამსახურმა სამგორის რაიონში 13 ავარიული საცხოვრებელი კორპუსი გაამაგრა. საერთო ჯამში დედაქალაქის ბიუჯეტიდან 4.566.455 ლარი დაიხარჯა, პარალელურად სამგორის რაიონის გამგეობამ 4 მისამართზე წყალკანალიზაციის პრობლემა გადაჭრა, რაზეც 82157,91 ლარი დაიხარჯა.

თბილისის მერია ავარიული საცხოვრებელი კორპუსების გამაგრებას აგრძელებს; მიმდინარე წელს კიდევ 2 მაღალსართულიანი საცხოვრებელი კორპუსის გამაგრება დაიწყება (ვარკეთილი 3 პირველი მ/რ, 24-ე კორპუსი, ვარკეთილი 3, 3-ე ა მ/რ, კორპუსი N321, ვარკეთილი 3, 3-ე ა მ/რ, კორპუსი N334).
 
ასევე, კეთილმოწყობის საქალაქო სამსახურმა, დასუფთავების ღონისძიებების ფარგლებში, სამგორის რაიონიდან დიდი ოდენობით სამშენებლო ნარჩენი გაიტანა, რომელიც წლების განმავლობაში ანტისანიტარიას ქმნიდა ადგილობრივებისთვის, რაზეც დამატებით 150 000 ლარი დაიხარჯა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვიღებთ სრულ პასუხისმგებლობას ანტიდოპინგური პროცესის გაუმჯობესებაზე – რაგბის კავშირი

პუტინმა განაცხდა უკვე მეშვიდედ, რომ რაკეტა სარმატა გამოსცადა

ზატულინი -ევროკავშირი საქართველოს რუსეთის წინააღმდეგ „მეორე ფრონტის“ გახსნისკენ უბიძგებს

საქართველოში რუსეთის ინტერესების სექცია - ახალი პატრიარქის არჩევის შესახებ ამბავი რუსეთში დიდი ენთუზიაზმით მიიღეს