თურქეთში ბოლო ერთი დღის განმავლობაში 3 აფეთქების შედეგად დაიღუპა 7 და დაშავდა 220-ზე მეტი ადამიანი

2016-08-19 10:35:44, 1742 ნახვა

მსოფლიო

თურქეთში ბოლო დღე-ღამის განმავლობაში 3 აფეთქება მოხდა, რის შედეგადაც 7 ადამიანი გარდაიცვალა, - ამის შესახებ ინფორმაციას თურქული მედია ავრცელებს.

მედია საშუალების ინფორმაციით, ქვეყნის სამხრეთ აღმოსავლეთ ნაწილში განხორციელებული თავდასხმების შედეგად 220-ზე მეტი ადამიანი დაშავდა.

ყველაზე ძლიერი აფეთქება ქალაქ ელაზიგში, პოლიციის განყოფილებასთან მოხდა, რის შედეგადაც დაირუპა 3 და დაშავდა 210 ადამიანი.

როგორც თურქული მედია წერს, თავდასხმებზე პასუხისმგებლობა არავის აუღია.

პრემიერ-მინისტრმა ბინალი ილდირიმის განცხაებით, აფეთქებები “ქურთისტანის მუშათა პარტიის” მიერ იყო ორგანიზებული.

თურქეთის სამხრეთ-აღმოსავლეთ ნაწილში ვითარება გასული წლის ივლისში გამწვავდა, როდესაც ხელისუფლებასა და ქურთ ამბოხებულებს შორის სამშვიდობო შეთანხმება დაირღვა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან