დიდუბის რაიონში საგზაო ინფრასტრუქტურის მოწესრიგება რამდენიმე მისამართზე მიმდინარეობს. ამის შესახებ "ექსპრენიუსს" თბილისის მერიიდან აცნობეს.

მათი ინფორმაციით, თევდორე მღვდლის ქუჩა N5-სა და  აგლაძის ქუჩა N39-ში ამ ეტაპზე დაზიანებული ასფალტის დემონტაჟი მიმდინარეობს, ხოლო ამის შემდგომ ასფალტის ახალი საფარი დაიგება.

ლუბლიანას ქუჩა N11-ში კი კონტრაქტორი კომპანია ასფალტის საფარს აგებს. ლუბლიანას ქუჩაზე ასევე ეწყობა მოსასვენებელი სკვერი, სადაც ამ ეტაპზე დეკორატიული ფილების მოწყობის სამუშაოები მიმდინარეობს. აღნიშნულ მისამართზე დიდუბის რაიონის გამგეობამ, ცხოვრების ჯანსაღი წესის ხელშეწყობისათვის,  სპორტული მოედანი და სავარჯიშო ტრენაჟორი მოაწყო.

საგზაო ინფრასტრუქურის მოწესრიგება უკვე დასრულდა დიღმის მასივის მე-3 კვარტლის 33-ე კორპუსსა და ვანის ქუჩა N4-ში. მოწესრიგდა სამანქანო გზა, ბორდიურები და ტროტუარები.

დიდუბის რაიონში ყველა სახის ინფრასტრუქტურული სამუშაო ა(ა)იპ „თბილისის მუნიციპალური ლაბორატორიის“ სპეციალისტისა და დიდუბის რაიონის თანამშრომლების მეთვალყურეობით მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს