მექსიკაში შტორმის შედეგად 45 ადამიანი გარდაიცვალა

2016-08-09 13:38:30, 2191 ნახვა

მსოფლიო

მექსიკაში ტორმის შედეგად 45 ადამიანი გარდაიცვალა, მათ შორის რამდენიმე ბავშვია, - ამის შესახებ ინფორმაციას Reuters ავრცელებს.

მედიის ცნობით, სტიქიამ ყველაზე მეტად ქვეყნის აღმოსავლეთ ნაწილი დააზარალა.

ვერაკრუსისა და პუებლას შტატში მეწყერისა და წყალდიდობის შედეგად უამრავი საცხოვრებელი სახლი მიწის ქვეშ აღმოჩნდა. გარდაცვლილთა რიცხვი შესაძლოა გაიზარდოს, რადგან სავარაუდოდ ნანგრევების ქვეშ ადამიანები მოყვნენ.

უგზო-უკვდლოდ დაკარგული მოქალაქეების რაოდენობა ამ დრომდე უცნობია.

პუებლას შტატში მდებარე რამდენიმე სოფელი სტიქიის გამო გარე სამყაროს არის მოწყვეტილი.

ქვეყნის მასშტაბით მიმდინარეობს სამაშველო ოპერაცია, რომელშიც მაშველებთან ერთად ასობით სამხედროა ჩართული.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან