თბილისის მერი დავით ნარმანია, საქართველოს წითელი ჯვრის საზოგადოების პრეზიდენტ ნათია ლოლაძესთან ერთად,  ,,ხანდაზმულთა სოციალურ ცენტრში“ იმყოფებოდა.

თბილისის მერიის ინფორმაციით, ნარმანია  ადგილზე გაეცნო ცენტრის ბაზაზე ჩამოყალიბებული სხვადასხვა  ჯგუფების საქმიანობას.

მათივე ინფორმაციით, ისაუბრეს არსებულ გამოწვევებზე და განიხილეს სამომავლო გეგმები.

ცენტრის ბენეფიციარებისთვის, პერიოდულად, საქართველოს სხვადასხვა კუთხეში ეწყობა ექსკურსიები. მიღებული გადაწყვეტილებით, დედაქალაქის მერიამომდევნო გასვლით ღონისძიებაზე მათ ტრანსპორტირებას უზრუნველყოფს.

ცენტრი თბილისის მერიასა და საქართველოს წითელი ჯვრის საზოგადოებას შორის, რამდენიმე წლის წინ გაფორმებული ურთიერთთანამშრომლობის მემორანდუმით გათვალისწინებული ერთობლივი პროგრამის ფარგლებში შეიქმნა.

„ჩვენ წითელ ჯვართან ძალიან მჭიდროდ ვთანამშრომლობთ. აქტიურად ვეხმარებით ცენტრს, რომ ბენეფიციარებს უკეთესი პირობები ქონდეთ. გავეცანით მათ საჭიროებებს და გავაგრძელებთ სამომავლოდ მათ დახმარებას. გარდა ამისა, აქტიურად ვაფინანსებთ სხვადასხვა სახის სოციალურ პროგრამებს, რომლითაც ისინი სარგებლობენ“,-განაცხადა დავით ნარმანიამ.

შეხვედრას ესწრებოდნენ თბილისის მერის მოადგილე ნინა ხატისკაცი, ჯანდაცვისა და სოციალური მომსახურების სამსახურის უფროსი გელა ჩივიაშვილი, სამგორის რაიონის გამგებელი გიორგი ბაგრატიონი. ასევე, მერიისა და საქართველოს წითელი ჯვრის საზოგადოების წარმომადგენლები.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს