ქედის მუნიციპალიტეტი, პირველი მაისისა და მერისის პირველადი ჯანდაცვის ცენტრებს მაღალი გამავლობის მსუბუქ ავტომანქანებს გადასცემს.

აჭარის ჯანდაცვის სამინისტროს ინფორმაციით, მუნიციპალიტეტმა ავტომობილები ადგილობრივი ბიუჯეტიდან 54,000 ლარად შეიძინა. ახალი სატრანსპორტო საშუალებით სოფლის ექიმები მერისისა და პირველ მაისის 645 კომლს მოემსახურებიან. საჭიროების შემთხვევაში მედიკოსები გამოძახებას ბინაზე შეასრულებენ. აქამდე სოფლის ექიმებს ბინაზე გამოძახების შესრულება საკუთარი შესაძლებლობებით უხდებოდათ. ავტომანქანების გადაცემა უპირველესად ხელს შეუწყობს პირველადი ჯანდაცვის ცენტრების მობილობის გაზრდას და მოსახლეობისათვის სამედიცინო მომსახურების დროულ მიწოდებას.

აღნიშნულ პირველდ ჯანდაცვის ცენტრებზე ავტომანქანების გადაცემით ქედაში პჯდ ცენტრების სატრანსპორტო საშუალებებით აღჭურვის პროცესი დასრულდება. 2014 წელს, აჭარის ჯანდაცვის სამინისტრომ გაეროს მოსახლეობის ფონდის თანადაფინანსებით 21 მაღალი გამავლობის მსუბუქი ავტომობილი შეიძინა და სარგებლობაში შვიდ-შვიდი ავტომანქანა ხულოს, შუახევია და ქედის პირველად ჯანდაცვის ცენტრებს გადასცა.

სოფლად პირველადი ჯანდაცვის ხელშეწყობა და სოფლის მოსახლეობის უწყვეტი სამედიცინო მომსახურება აჭარის ჯანდაცვის სამინისტროს ერთ-ერთი მთავარი პრიორიტეტია. მიმდინარე წელს სამინისტრო ავტომანქანებს ხელვაჩაურისა და ქობულეთის მუნიციპალიტეტების პირველადი ჯანდაცვის ცენტრებისათვისაც შეიძენს.

აღნიშნულთან დაკავშირებით სამინისტრომ ელექტრონული ტენდერი უკვე გამოაცხადა. „სოფლად პირველადი ჯანდაცვისგანვითარებაზე ხელშეწყობის“ 2016 წლის პროგრამის ფარგლებში 11 ავტომანქანის შესაძენად გათვალისწინებულია 200,000 ლარი.

სამინიტრო, მაღალმთიანი მუნიციპალიტეტების სოფლის ექიმებს, ადგილზე დამაგრების მიზნით ხელფასზე დანამატის სახით ყოველთვიურად ურიცხავს 300 ლარს, ბარში დასაქმებულებს 150 ლარს.

სამინისტროს ასევე ახორციელებს თემის სამედიცინო პუნქტების მედდების სახელფასო ანაზღაურებას და პირველადი სამედიცინო მოხმარების მედიკამენტებით უზრუველყოფას, აღნიშნული მოსახლეობას საშუალებას აძლევს ადგილზე მიიღოს ექიმამდელი სამედიცინო მომსახურება. 2014 წელს გადამზადდა თემის სამედიცინო პუნქტის 300-მდე მედდა.

2013-2016 წწ აჭარის სოფლის ექიმიებისა და თსპ მედდების მომსახურებით ისარგებლა სოფლად მცხოვრებმა 1,026,742 პაციენტმა.

აჭარის ავტონომიურ რესპუბლიკაში 48 პირველადი ჯანდაცვის ცენტრი და 184 თემის სამედიცინო პუნქტი ფუნქციონირებს.

ფოტო რეპორტაჟი

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება