ნარმანია: არიან თაღლითი ადამიანები, რომლებიც გამორჩენას ცდილობენ, თუმცა ეს არავის შერჩება

2016-07-29 14:15:54, 661 ნახვა

საზოგადოება

„არიან თაღლითი ადამიანები, რომლებიც გამორჩენას ცდილობენ, თუმცა ეს არავის არ შერჩება“,-ამის შესახებ დედაქალაქის მერმა დავით ნარმანიამ ჟურნალისტებს განუცხადა.

როგორც ნარმანიამ აღნიშნა, მერიაში 25 000-ზე მეტი ადამიანი მუშაობს, შესაბამისად, რამდენიმე, ვისაც ხელი წაუცდა და კანონი დაარღვია, რეაგირება მოჰყვა სამართალდამცავების მხრიდან.

„დასჯის გარეშე არავინ დარჩება. არიან რიგი თაღლითი ადამიანები, რომლებიც ცდილობენ გამორჩენას, თუმცა ხაზი მინდა გავუსვა, რომ ეს არავის შერჩება. ჩვენ შიდა აუდიტის მეშვეობითაც გვაქვს შემთხვევები, ვატარებთ პრევენციულ ღონისძიებებს, და ეს არის იმ ეფექტიანი მუშაობის შედეგი, რომელსაც ყველა შემთხვევაში მოჰყვება გამოვლენა", - აღნიშნა ნარმანიამ.

ცნობისთვის, რამდენიმე დღის წინ, სახელმწიფო უსაფრთხოების სამსახურმა თბილისის მერიის უსაფრთხოების სამსახურის უფროსის მოადგილე დააკავა.