ზემო ფონიჭალაში მოკლული ნონა რომანიძის მეუღლის განცხადებით, რომ არა შინაგან საქმეთა სამინისტრო, ალბათ ვერასდროს გაიგებდა, რომ მისი მეუღლისა და შვილის მკვლელი მათი ოჯახის ახლობელი იყო.

როგორც ოთარ მამფორიამ აღნიშნა, ბრალდებული მთელი ღამე დაკიტხვაზე ჰყავდათ და მან ბრალი აღიარა. 

"ჩემს გვერდში დადიოდა, ერთად დავდიოდით, ერთად ვსვამდით, არ ვიცი რა ვთქვა, ეს მსახიობი კი არა, არ ვიცი ვინ ყოფილა. გასვენებაშიც იყო ჩამოსული. ჩემი პირველი მეუღლის ძმებთან მუშაობდა, მთელი ღამე ამყოფეს ესენი იქ დაკითხვაზე და იქიდან გამოიტანა ამბავი ცოლისძმამ, რომ იქ აღიარა ყველაფერიო”,- განაცხადა ოთარ მამფორიამ.

მამფორიას ინფორმაციით, ბრალდებული თურქეთში წასვლას გეგმავდა, სადაც ავადმყოფი დედა ჰყავს, თუმცა ბილეთები უკან დააბრუნა, რომ წავიდე, მე დამბრალდებაო. 

შეგახსენებთ, რომ შსს-მ ზემო ფონიჭალაში დედა-შვილის მკვლელობის ფაქტი გახსნა. 
შსს-ს ინფორმაციით, თბილისის პოლიციის დეპარტამენტისა და პროკურატურის თანამშრომლებმა განზრახ მკვლელობის ბრალდებით 1989 წელს დაბადებული, წარსულში არაერთგზის ნასამართლევი გიორგი ხ. დააკავეს.

გამოძიების ინფორმაციით,  დაკავებულმა 29 ჭრილობის მიყენების გზით ქალბატონი მოკლა და 16 ჭრილობის მიყენების გზით მისი მცირეწლოვანი შვილი მარიამ მამფორია მოკლა. კვალის დაფარვის მიზნით კი,  ბინაში ხანძარი გააჩინა და შემთხვევის ადგილიდან მიიმალა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინი უკრაინასთან ერთად, მოლდოვას დაპყრობის ოპერაციას ამზადებს -New York Times

თურქეთმა შავი ზღვის გავლით რუსული ნავთობის შესყიდვები შეაჩერა

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს

“რომელი ბრენდი იმსახურებს ჩემპიონს?“ - საქართველოს ბანკის ახალი კამპანია პარალიმპიელი ჩემპიონებისთვის ახალი შესაძლებლობების შესაქმნელად