საქართველოს საკონსტიტუციო სასამართლოს თავმჯდომარე გიორგი პაპუაშვილი პროკურატურაში მისვლას იქამდე არ აპირებს, სანამ საქართველოს პრემიერ-მინისტრს არ შეხვდება. 

პაპუაშვილის თქმით, მოსამართლეებზე ხორციელდება ფსიქოლოგიური ზეწოლა, იბარებენ გამოკითხვაზე და ეუბნებიან, რომ თუ არ გამოცხადდებიან, მათზე სისხლის სამართლის საქმე აღიძვრება. 

„დღემდე ველოდები პრემიერთან შეხვედრას და იმედია,  ეს შეხვედრა შედგება. პოლიტიკურმა ხელმძღვანელობამ უნდა აიღოს პასუხისმგებლობა, რომ კითხვითი ნიშნები არ გაჩნდეს გამოძიებასთან, რომელთან უნდობლობის დიდი საფუძველი გვაქვს ბოლო თვეების განმავლობაში. ამის ნაცვლად პროკურატურამ შტურმით აიღო მოსამართლეების სახლები და სამუშაო ადგილები,ზოგს ერთი საათით ადრე იბარებდნენ, გამოცხადებულიყვნენ დაკითხვაზე, წინააღმდეგ შემთხვევაში სისხლის სამართლის საქმის აღიძვრით ემუქრებოდნენ“, - განაცხადა პაპუაშვილმა. 

პაპუაშვილმა იმედი გამოთქვა, რომ პოლიტიკურპირველ პირებთან შეხვედრა იქნება შანსი, რომ ეს საქმე რეალურად გამოიძიოს  პროკურატურამ და არ ჩაფარცხოს.

ცნობისთვის, გიორგი პაპაუაშვილი მთავარ პროკურატურაში ხვალ არის დაბარებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინი უკრაინასთან ერთად, მოლდოვას დაპყრობის ოპერაციას ამზადებს -New York Times

თურქეთმა შავი ზღვის გავლით რუსული ნავთობის შესყიდვები შეაჩერა

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს

“რომელი ბრენდი იმსახურებს ჩემპიონს?“ - საქართველოს ბანკის ახალი კამპანია პარალიმპიელი ჩემპიონებისთვის ახალი შესაძლებლობების შესაქმნელად