სასჯელაღსრულებისა და პრობაციის მინისტრის 2016 წლის 11 თებერვლის ბრძანებით დამტკიცებული  ბრალდებულთა/მსჯავრდებულთა სუიციდის პრევენციის პროგრამის ამოქმედების შემდეგ პენიტენციურ სისტემაში სუიციდით გარდაცვალების არცერთი ფაქტი არ დაფიქსირებულა.

როგორც „ექსპრესნიუსს“ სასჯელარსრულებისა და პრობაციის სამინისტროდან აცნობეს,  პროგრამის დაწყებიდან დღემდე, სუიციდური კრიზისიდან  170-ზე მეტი ბრალდებულის და მსჯავრდებულის გამოყვანა მოხერხდა. 

უწყების ინფორმაციით, პენიტენციურ დაწესებულებებში სუიციდის პრევენციის პროგრამის განხორციელებას  ევროსაბჭო და ევროკავშირი აქტიურად უჭერს მხარს.

 მხარდაჭერის ფარგლებში ევროსაბჭომ 23-24 ივლისს  სუიციდის პრევენციის საბჭოს ახლადდანიშნული კოორდინატორებისა და წევრების სამუშაო ჯგუფის შეხვედრა გამართა.

 შეხვედრაზე საბჭოს ახალმა წევრებმა და სუიციდის პროგრამის კოორდინატორებმა ციხეებში არსებული ვითარება განიხილეს, სუიციდის პრევენციისთვის აუცილებელი აქტივობების გასაძლიერებლად შემდგომი ნაბიჯები განსაზღვრეს  და ახალი რეგულაციების დანერგვის გზებზე იმსჯელეს.

ევროსაბჭოს საერთაშორისო და ადგილობრივმა კონსულტანტებმა საქართველოს სასჯელაღსრულების სისტემაში სუიციდის პრევენციის პროგრამის ამოქმედების პარალელურად ტრენერების გადასამზადებლად სპეციალური პროგრამა და მეთოდოლოგია შეიმუშავეს. შედეგად საქართველოს სასჯელაღსრულების სისტემის 800-მდე  სამედიცინო და არასამედიცინო პერსონალმა, ციხის დირექტორებმა,  მათმა მოადგილეებმა და სხვადასხვა დაწესებულებების მთავარმა ექიმებმა   გადამზადების კურსი გაიარეს და  სუიციდის პრევენციისთვის განსახორციელებელ აქტივობებზე, ასევე სუიციდის მართვის ტექნიკებზე დამატებითი ინფორმაცია მიიღეს.  რაც თავის მხრივ პენიტენციურ დაწესებულებებში სუიციდის შემთხვევების მაქსიმალურად შემცირებას ისახავს მიზნად.

სუიციდის პრევენციის პროგრამა საპილოტე რეჟიმში  2013 წელს N8 დაწესებულებაში ამოქმედდა და ეტაპობრივად ყველა პენიტენციური დაწესებულება მოიცვა.  2016 წლის 11 თებერვალს კი სასჯელაღსრულებისა და პრობაციის მინისტრის N13  ბრძანების თანახმად პროგრამა ოფიციალურად დამტკიცდა. მიმდინარე წელს  პროგრამაში 71 მამაკაცი, 8 ქალი და 1 არასრულწლოვანია ჩართული.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს