მიუნხენის პოლიციის უფროსის ჰუბერტუს ანდრეს განცხადებით, 18 წლის თავდამსხმელსა და ნორვეგიელ ტერორისტ ანდერს ბრეივიკს შორის აშკარა კავშირი არსებობს, - ამის შესახებ ინფორმაციას BBC ავრცელებს.

როგორც სამართალდამცველები აცხადებენ, თავდასხმელი „გლოკის“ ტიპის პისტოლეტით და 300 ტყვიით იყო შეიარაღებული.

ამასთან, წინასწარი ინფორმაციით, ეთნიკურად ირანელი თავდამსხმელი მიუნხენში დაიბადა. ის ფსიქიკურად დაავადებული იყო.

როგორც BBC -ი გამოძიებაზე დაყრდნობით წერს, თავდამსხმელს Facebook-ის ყალბი პროფილი ჰქონდა გაკეთებული, რომლითაც ის ხალხს იმ ტერიტორიაზე ეპატიჟებოდა, სადაც შემდგომ თავდასხმა განახორციელა.

მიუნხენის პოლიციის ცნობით, ამ დროისთვის არ არსებობს არანაირი ინფორმაცია თავდამსხმელის კავშირზე „ისლამურ სახელმწიფოსთან“. გერმანიაში გლოვაა გამოცხადებული.

შეგახსენებთ, რომ გუშინ მიუნხენში, სავაჭრო ცენტრ "ოლიმპიასთან" მამაკაცმა მოსახლეობას ცეცხლი გაუხსნა, რის შედეგადაც 10 ადამიანი გარდაიცვალა, 20-მდე კი დაჭრა, 3 დაშავებული კრიტიკულ მდგომარეობაში იმყოფება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ღარიბაშვილის ახალი წერილი - ჩემი პატიმრობა პირველივე დღიდან პოლიტიკურია

პენიტენციური: პატიმარ გიორგი დავითაძეზე ძალადობის ფაქტს ადგილი არ ჰქონია

ისარგებლეთ საქართველოს ბანკის საკრედიტო Amex-ის შეთავაზებით ოთხ სავაჭრო ცენტრში

Euromoney-მ თიბისი საუკეთესო კორპორატიულ ბანკად მესამედ დაასახელა