„მორაგბეების - მერაბ კვირიკაშვილის და გიორგი ლომინაძის მეუღლეები რეანიმაციულ განყოფილებაში მართვით სუნთქვაზე იმყოფებიან“, - ამის შესახებ „ექსპრესნიუსს“დასავლეთ საქართველოს ეროვნული სამედიცინო ცენტრის დირექტორმა, ექიმმა ანჟელა ორჯონიკიძემ  განუცხადა.

„გიორგი ლომინაძის მეუღლე, რომელიც ორსულია, ქუთაისის რეფერალურ ჰოსპიტალშია, მძიმე დაზიანებებით, არასტაბილური ზემო დინამიკით რეანიმაციაში მართვით სუნთქვაზეა.   მერაბ კვირიკაშვილის მეუღლეს, ასევე გადმოყვანილია მძიმე დაზიანებებით მართვით სუნთქვაზე და მოთავსებულია რეანიმაციულ განყოფილებაში. ყველა პაციენტზე მიმდინარეობს მონიტორინგი და ადეკვატური სამედიცინო ჩარევა“,-განუცხადა „ექსპრესნიუსს“ ანჟელა ორჯონიკიძემ.

რაც შეეხება თავად მორაგბეებს - მერაბ კვირიკაშვილის ჯანმრთელობის მდგომარეობა დამაკმაყოფილებელია, ხოლო გიორგი ლომინაძის  სტაბილურად მძიმეა და მართვით სუნთქვაზე იმყოფება.

შეგახსენებთ, ქუთაისი-სამტრედიის შემოვლით გზაზე ავტოსაგზაო შემთხვევა მოხდა.  ავტოსაგზაო შემთხვევის შედეგად გარდაიცვალა 3 ადამიანი, 4 კი დაშავდა. ინციდენტი ორი მსუბუქი ავტომობილის შეჯახების შედეგად მოხდა.

როგორც "ექსპრესნიუსს" შინაგან საქმეთა სამინისტროში განუცხადეს, გამოძიება 276-ე მუხლის მე-7 ნაწილით მიმდინარეობს, რაც სატრანსპორტო საშუალების მოძრაობის წესების დარღვევას გულისხმობ, რამაც ორი ან მეტი ადამიანის სიცოცხლის მოსპობა გამოიწვია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს