თბილისში  დღეს,  ქართულ-სომხური  პარტნიორობის პროექტის- „აღმოსავლეთის პარტნიორობა ტერიტორიული თანამშრომლობისათვის“-  შედეგების   პრეზენტაცია გაიმართა. 

რეგიონული განვითარებისა და ინფრასტრუქტურის სამინისტროს ინფორმაციით, აღნიშნული პროექტი   ევროკავშირის მიერ ხორციელდება.   2015 წლიდან საქართველოსა და სომხეთში რამდენიმე ტრასნსასაზღვო  პროექტი მიმდინარეობს.  ღონისძიება საქართველოს  რეგიონული განვითარებისა და ინფრასტრუქტურისა და სომხეთის რესპუბლიკის შესაბამისი სამინისტროების  ინიციატივით გაიმართა.
უწყების ინფორმაციით,  საქართველოს მხრიდან კონფერენცია  საქართველოს  რეგიონული განვითარებისა და ინფრასტრუქტურის მინისტრის მოადგილემ თენგიზ შერგელაშვილმა გახსნა.   

სომხეთ-საქართველოს ტერიტორიული თანამშრომლობის პროგრამა   სომხეთ-საქართველოს 225 კილომეტრის სიგრძის საზღვრის გასწვრივ მდებარე რეგიონებს მოიცავს.   საქართველოში ეს რეგიონები ქვემო ქართლითა  და სამცხე-ჯავახეთითაა წარმოდგენილი, სომხეთში- ლორე, შირაქითა  და თავუშით. ამ დროისათვის  აღნიშნულ ტერიტორიაზე მაცხოვრებელი მოსახლეობა მილიონ 425 ათასს შეადგენს, სადანაც 699 ათასი სომხეთში, 726 ათასი კი საქართველოში ცხოვრობს.

პროგრამის  მიზანი ადგილობრივი თვითმმართველობის გაძლიერება, სასაზღვრო რაიონებში ერთობლივი ეკონომიკური და სოციალური პროექტების განვითარების ხელშეწყობა, სოფლის მეურნეობისა და ტურიზმის პოტენციალის გაზრდა, ეკოლოგიის, დასაქმების, საზოგადოებრივი ჯანდაცვისა და სხვა სფეროებში არსებული პრობლემების გადაწყვეტაა.

მსგავსი პრეზენტაცია სომხეთში 26 ივლისს გაიმართება. 
(NS)     

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს