2016-07-20 19:47:12, 897 ნახვა
საზოგადოება
ხვალიდან მეტეხის ხიდის მიმდებარე ტერიტორიაზე საავტომობილო მოძრაობა შეიზღუდება
"21 ივლისიდან მტკვრის მარჯვენა სანაპიროზე, მეტეხის ხიდის მიმდებარე ტერიტორიაზე საავტომობილო მოძრაობა შეიზღუდება" - ამის შესახებ განცხადებას თბილისის მერიის კეთილმოწყობის საქალაქო სამსახური ავრცელებს.
მათი ინფორმაციით, მეტეხის ხიდთან, მდინარე მტკვრის უბეზე არსებული ხიდის რეაბილიტაცია-რეკონსტრუქციის სამუშაოებს იწყებს.
"თბილისის მერიის კეთილმოწყობის საქალაქო სამსახური მეტეხის ხიდთან, მდინარე მტკვრის უბეზე არსებული ხიდის რეაბილიტაცია-რეკონსტრუქციის სამუშაოებს იწყებს. შესაბამისად, 21 ივლისიდან მტკვრის მარჯვენა სანაპიროზე,მეტეხის ხიდის მიმდებარე ტერიტორიაზე საავტომობილო მოძრაობა ნაწილობრივ შეიზღუდება.
თბილისის მერია ბოდიშს გიხდით შეფერხებისთვის", - ნათქვამია განცხადებაში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
