საქართველოს იუსტიციის სამინისტროს სსიპ „დანაშაულის პრევენციის ცენტრისა" და იუსტიციის სახლის ერთობლივი პროგრამის   - „მოხალისე"  - ბათუმელ მონაწილეებს სერტიფიკატები გადაეცათ.

პროგრამა ახალგაზრდებს საშუალებას აძლევს გარკვეული ტრენინგკურსის გავლის შემდეგ, გახდნენ იუსტიციის სახლის მოხალისე „თანამშრომლები“ და საჭიროების მიხედვით,  მოქალაქეების მიღებაში აქტიურად ჩაერთონ. სერტიფიკატები სსიპ „დანაშაულის პრევენციის ცენტრის“ დირექტორმა ირაკლი ხელაძემ 125 მოხალისეს გადასცა. მათ შორის იყვნენ როგორც სკოლის მოსწავლეები, ისე სტუდენტები.

პროგრამის მონაწილეები ქალაქ ბათუმში აქტიურად იყვნენ ჩართულები იუსტიციის მინისტრის ინიციატივით გამოცხადებულ უფასო პირადობის მოწმობების ერთთვიან აქციაშიც, რომელიც 26 მაისიდან 26 ივნისამდე მიმდინარეობდა. 

როგორც ცნობილია, იუსტიციის სამინისტროს სსიპ „დანაშაულის პრევენციის ცენტრის" ერთ-ერთი მიმართულებაა ახალგაზრდებში სამართლებრივი და სამოქალაქო ცნობიერების ამაღლება, მოხალისეობრივი კულტურის განვითარების ხელშეწყობა. სსიპ „დანაშაულის პრევენციის ცენტრის" შესაბამისი ახალგაზრდული პროგრამები ქვეყნის მასშტაბით არსებულ იუსტიციის სახლებში მიმდინარეობს. მათში ჩართვა 14-დან 21 წლამდე ასაკის ახალგაზრდებს შეუძლიათ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს