"წერეთლის ქუჩის კეთილმოწყობა არის უმნიშვნელოვანესი ბათუმისთვის" - ამის შესახებ აჭარის ა/რ მთავრობის თავმჯდომარე ზურაბ პატარაძემ განაცხადა.

აჭარის მთავრობის პრესსამსახურის ინფორმაციით, პატარაძე რამდენიმე დღეა აქტიურად ხვდება მოქალაქეებს, რომლებიც მას რეგიონში არსებული მდგომარეობის შესახებ უშუალოდ აწვდიან ინფორმაციას. მოქალაქეების მიერ დასმული საკითხების მიხედვით რეგიონის პირველი პირი უკვე რამდენიმე ობიექტზე იმყოფებოდა სიტუაციის ადგილზე შესასწავლად. 

მათივე ინფორმაციით, ზურაბ პატარაძე წერეთლის ქუჩაზე მიმდინარე სარეაბილიტაციო სამუშაოებს ქალაქის მერთან გიორგი ერმაკოვთან ერთად გაეცნო. წერეთლის ქუჩა და ე.წ „მანთაშევის გადასასვლელის" ნაწილი ერთ-ერთი ყველაზე მოძრავი და გადატვირთული უბანია, სადაც მიმდინარე სარეაბილიტაციო სამუშაოების გამო მდგომარეობა კიდევ უფრო დამძიმდა. ქუჩის იერსახეს აზიანებს ასევე ქაოტურად განვითარებული გარე ვაჭრობის ზონა. ზურაბ პატარაძე მოვაჭრეებს გაესაუბრა. თავმჯდომარემ მათ თხოვნით მიმართა ახალი ტროტუარებისა და გზის მოწყობის შემდეგ უფრო მეტი ყურადღებით მოეკიდონ სისუფთავისა და წესრიგის შენარჩუნებას.
 
ქალაქის ამ ნაწილთან სისტემატურ შეხებაშია რეგიონის სტუმრები და ტურისტები, შესაბამისად, მნიშვნელოვანია ქალაქის ესთეტიური იერსახე აკმაყოფილებდეს ტურისტული ქალაქის მოთხოვნებს.
 
„წერეთლის ქუჩისა და ქალაქის ამ ნაწილის კეთილმოწყობა არის უმნიშვნელოვანესი ბათუმისთვის, როგორც ტურისტული ქალაქისთვის. გვესმის, რომ გარე ვაჭრობა მნიშვნელოვანია თქვენთვის, ეს არის თქვენი მთავარი შემოსავლის წყარო, მაგრამ მას უნდა მივცეთ უფრო თანამედროვე ფორმა და დავიცვათ ჩვენი ქალაქის იერსახე" -  აღნიშნა გარემომოჭრეებთან და ჟურნალისტებთან კომენტარში ზურაბ პატარაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

The Economist - უკრაინამ სამი წლის განმავლობაში პირველად აიღო ინიციატივა ფრონტის ხაზზე

ზურაბიშვილმა ახალ პატრიარქს მოუწოდა, შეიწყალოს ყველა სინდისის პატიმარი

„რეალური მოლაპარაკებები აღარ მიმდინარეობს“ - უკრაინა ემზადება ომის გასაგრძელებლად აშშ-ის დახმარების გარეშე

პატრიარქმა კირილმა შიო III-ს მშვიდობიანი და კურთხეული პატრიარქობა უსურვა