იუსტიციის მინისტრი ყვარლის სასწავლო ცენტრს ესტუმრა. თეა წულუკიანი საზაფხულო სკოლისმონაწილეებს შეხვდა. 

უწყების ინფორმაციით, საზაფხულო სკოლა იუსტიციის სამინისტროს სასწავლო ცენტრის ახალი პროექტია, რომელშიც საჯარო სკოლების უფროსკლასელები მონაწილეობენ. მისი მიზანია, გააცნოს ახალგაზრდებს საჯარო სამსახურის მუშაობის პრინციპები; დაეხმაროს მათ სამოქალაქო ღირებულებების გააზრებაში; შეუქმნას წარმოდგენა და ინტერესი საჯარო მმართველობის მიმართ; გაუჩინოს სურვილი, მიიღონ უმაღლესი განათლება საჯარო მმართველობის მიმართულებით.

სწავლების თემა საჯარო მმართველობა და სამოქალაქო საზოგადოების პრინციპებია, კერძოდ კი, სახელმწიფო ინსტიტუტების დანიშნულება და მათი როლი;  სახელმწიფოს შექმნის ფსიქოლოგიური საფუძვლები; ადამიანი როგორც პიროვნება და მოქალაქე; მოქალაქის როლი საჯარო მმართველობის ყოველ ეტაპზე და სხვ.

პროგრამისთვის 39 მოსწავლე მათემატიკური ტურის შედეგებით შეირჩა. ტური საქართველოს 5 ქალაქში − თბილისში, თელავში, ქუთაისში, ბათუმსა და ზუგდიდში − ერთდროულად ჩატარდა, საუკეთესო შედეგების მქონე მოსწავლეებისთვის კი, ყვარლის სასწავლო ცენტრში ტრენინგი დაიგეგმა.
იუსტიციის სასწავლო ცენტრის ყვარლის კომპლექსში მოზარდებისთვის საუკეთესო პირობებია შექმნილი. ყვარლის სასწავლო კომპლექსის ინფრასტრუქტურა, უახლესი და თანამედროვე ტექნიკით აღჭურვილი სივრცე, ბუნებრივი გარემო საზაფხულო სკოლას მათთვის დაუვიწყარს გახდის. გარდა საინტერესო და ორიგინალური სასწავლო გეგმისა, ხელმძღვანელებმა გუნდის ფორმირების სპეციალური პროგრამა შეარჩიეს, რომელიც დაეხმარება ახალგაზრდებს სწავლების პროცესში, ხელს შეუწყობს მათში გუნდური მუშაობისთვის საჭირო უნარ-ჩვევების გამომუშავებას, სასიამოვნოს გახდის სწავლების პროცესს. პროექტის დასრულების შემდეგ ტრენინგის ყველა მონაწილესიუსტიციის სასწავლო ცენტრი სპეციალურ სერტიფიკატს გადასცემს. 

საზაფხულო სკოლის პროექტი  საქართველოშიევროკავშირის წარმომადგენლობის, ინოვაციებისა და რეფორმების  ცენტრის ფინანსური მხარდაჭერით ხორციელდება.
 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს