2016-07-16 16:29:26, 1889 ნახვა
მსოფლიო
ნიცაში თავდამსხმელთან კავშირში ეჭვმიტანილი კიდევ 3 პირი დააკავეს
საფრანგეთის პოლიციამ ნიცაში თავდამსხმელთან კავშირში ეჭვმიტანილი კიდევ 3 პირი დააკავა, - ამის შესახებ ინფორმაციას სააგენტო Reuters ავრცელებს.
ეჭვმიტანილების ვინაობა ამ დროისთვის არ სახელდება.
ფრანგმა სამართალდამცველებმა სულ 8 ეჭვმიტანილი დააკავეს.
შეგახსენებთ, რომ 14 ივლისს, ნიცაში, სადაც მოსახლეობა ბასტილიის აღების დღეს აღნიშნავდა, ხალხში სატვირთო ავტომობილი შევარდა. თავდამსხმელმი რამდენიმე კილომეტრის მანძილზე ათობით ადამიანს დაეჯახა, შემდეგ კი ცეცხლი გახსნა.
თავდასხმის შედეგად 84 ადამიანი გარდაიცვალა, მათ შორის 10 ბავშვია. დაშავდა 188 ადამიანი.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
