ამ ეტაპზე თურქეთის მიმართულებით საზღვარზე გადასვლა შეზღუდულია, ხოლო საჰაერო საზღვარი დაკეტილია, – ამის შესახებ საქართველოს პრემიერ–მინისტრმა გიორგი კვირიკაშვილმა უშიშროების საბჭოს სხდომის დასრულების შემდეგ განაცხადა.

როგორც პრემიერმა აღნიშნა, თურქეთის მიმართლებით ფრენები არ ხორციელდება.

„უშიშროების საბჭოს სხდომაზე ვიმსჯელეთ იმ საფრთხეებზე, რაც შესაძლოა საქართველოსთვის მომდინარეობდეს ამ სიტუაციიდან. ჩვენთვის, რა თქმა უნდა, ძალიან მნიშვნელოვანია ჩვენს მეგობარ თურქეთში დემოკრატიულ განვითარებას საფრთხე არ შეექმნას, ასევე ძალიან მნიშვნელოვანია საფრთხე არ შეექმნას დემოკრატიულად არჩეულ ხელისუფლებას. ჩვენ ასევე ვისაუბრეთ საზღვრებზე არსებულ სიტუაციაზე და გავაანალიზეთ სუს-ისა და შსს-ს მიერ მოწოდებული ინფორმაცია. დილამდე დავაკვირდებით სიტუაციას. ჩვენივე მოქალაქეების უსაფრთხოებიდან გამომდინარე, საზღვარზე გადასვლა შევზღუდეთ თურქეთის მიმართულებით, საჰაერო საზღვარი კი ამ დროისთვის ჩაკეტილია, ფრენები არ ხორციელდება. დილის სიტუაციიდან გამომდინარე მოვახდენთ საზღვართან დაკავშირებულ ცვლილებას", – განადხადა გიორგი კვირიკაშვილმა. 

საქართველოს პრემიერ–მინისტრი საქართველოს მოქალაქეებს ურჩვენს, რომ ვიდრე თურქეთში სიტუაცია არ დასტაბილურდება, თავი შეიკავონ თურქეთის მიმართულებით მგზავრობაზე.

ცნობისთვის, ავლაბრის რეზიდენციაში უშიშროების საბჭოს სხდომა ერთ საათზე მეტხანს გაგრძელდა. სხდომაზე მთავარი განსახილველი საკითხი თურქეთში განვითარებული მოვლენები იყო. 

სხდომას პრემიერ-მინისტრი, პრეზიდენტი, უშიშროების საბჭოს თავმჯდომარე, შს მინსტრი, პარლამენტის თავმჯდომარე და გენ შტაბის უფროსი ესწრებოდნენ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს