პარლამენტმა საქართველოს ეკონომიკისა და მდგრადი განვითარების სამინისტროს სსიპ ინოვაციებისა და ტექნოლოგიების სააგენტოს მიერ შემუშავებული კანონი ინოვაციების შესახებ მიიღო.

 აღნიშნულ ფაქტს ეკონომიკისა და მდგრადი განვითარების სამინისტროს სსიპ ინოვაციების და ტექნოლოგიების სააგენტო გამოეხმაურა. მათი განცხადებით,  კანონის მიზანია, საქართველოს სოციალურ-ეკონომიკური განვითარებისათვის აუცილებელი ეროვნული ინოვაციების ეკოსისტემის შექმნა და სრულყოფა, ქვეყანაში ცოდნასა და ინოვაციებზე დაფუძნებული ეკონომიკის მშენებლობა, სხვა სახელმწიფოებში შექმნილი ტექნოლოგიების საქართველოში ათვისების ხელშეწყობა. 

მათივე შეფასებით, ყველა ინოვატორი ადამიანისათვის ასევე მნიშვნელოვანია საქართველოში შექმნილი ინტელექტუალური საკუთრებისა და ტექნოლოგიების დანერგვისა და ექსპორტის ხელშეწყობა, მოწინავე ტექნოლოგიების მეცნიერებისა და ეკონომიკის ყველა სფეროში შეღწევა ამ სფეროთა კონკურენტუნარიანობის გაზრდის მიზნით, რასაც საქართველოში უკვე აღნიშნული კანონი დაიცავს.

,, მიმაჩნია, რომ ინოვაციების შესახებ საქართველოს სრულიად ახალი კანონის მიღება საფუძველს დაუდებს ერთი მხრივ უფრო მეტი ინოვაციური სტარტაპების გაჩენას და მეორე მხრივ წაახალისებს წამყვან კომპანიებს, მიმართონ თავიანთი ფინანსები კვლევებსა და განვითარებებზე, რაც მათი კონკურენტუნარიანობის გაზრდის მნიშვნელოვან საფუძველს წარმოადგენს. კანონით სახელმწიფოში მნიშვნელოვნად მოწესრიგდება ინოვაციური საქმიანობის დაფინანსება, ინოვაციების ხელშემწყობი ინფრასტრუქტურების განვითარება, მოხდება მეცნიერთა და გამოგონებელთა სამართლებრივი უფლებების დაცვა და მათთვის გარანტირებული შემოსავლის უზრუნველყოფა. კანონი განამტკიცებს ინტელექტუალური საკუთრების უფლების დაცვას და ერთმნიშვნელოვნად განსაზღვრავს სახელმწიფოს ჩაურევლობას საპატენტო უფლებებში. გარდა ამისა, კანონი შესაძლებელს ხდის გაიცეს ინოვაციების სააგენტოს მიერ სახელმწიფო გრანტები მეწარმე სუბიექტებზე ინოვაციური საქმიანობის განსახორციელებლად."- განაცხადა საქართველოს ინოვაციებისა და ტექნოლოგიების სააგენტოს თავმჯდომარის მოადგილემ, ავთანდილ კასრაძემ.  

აღსანიშნავია, რომ „ინოვაციების შესახებ" საქართველოს კანონი დაფუძნებულია აშშ-ს „Bayh Dole" კანონზე, რომლიც მიღებითაც აშშ-ში უდიდესი ტრანსფორმაცია განიცადა ინოვაციების განვითარებამ, ხელი შეუწყო კერძო სექტორის ჩართულობას და კომერციალიზაციას.

აღნიშნული კანონი საქართველოს ეკონომიკისა და მდგრადი განვითარების სამინისტროს სსიპ საქართველოს ინოვაციების და ტექნოლოგიების სააგენტოს ავტორობით მომზადდა და წარმოადგენს ძირითად სამართლებრივ ჩარჩოს ინოვაციების სფეროში. ინოვაციების სააგენტო კვლავაც მუშაობს სამართლებრივი რეფორმის კუთხით და უახლოეს მომავალში წარდგენილი იქნება ახალი საკანონმდებლო ინიციატივები, რომლებიც ითვალისწინებენ საქართველოში ვენჩურული საინვესტიციო ფონდების და სახალხო დაფინანსების (ე.წ.crowdfunding) მექანიზმების შექმნას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

The Economist - უკრაინამ სამი წლის განმავლობაში პირველად აიღო ინიციატივა ფრონტის ხაზზე

ზურაბიშვილმა ახალ პატრიარქს მოუწოდა, შეიწყალოს ყველა სინდისის პატიმარი

„რეალური მოლაპარაკებები აღარ მიმდინარეობს“ - უკრაინა ემზადება ომის გასაგრძელებლად აშშ-ის დახმარების გარეშე

პატრიარქმა კირილმა შიო III-ს მშვიდობიანი და კურთხეული პატრიარქობა უსურვა