ევროკავშირის სამეზობლო პოლიტიკისა და გაფართოების საკითხებში გენერალური დირექტორატის ხელმძღვანელის მოადგილე, კატარინა მატერნოვა სოფლისა და სოფლის მეურნეობის განვითარებისთვის ევროპის სამეზობლო პროგრამის (ENPARD) ფარგლებში ევროკავშირის მიერ აჭარაში დაფინანსებულ სასოფლო-სამეურნეო კოოპერატივებს გაეცნობა.
 
ევროკავშირის სამეზობლო პოლიტიკისა და გაფართოების საკითხებში გენერალური დირექტორატის ხელმძღვანელის მოადგილე, კატარინა მატერნოვა  ხვალ სოფლისა და სოფლის მეურნეობის განვითარებისთვის ევროპის სამეზობლო პროგრამის (ENPARD) ფარგლებში ევროკავშირის მიერ აჭარის ავტონომიურ რესპუბლიკაში დაფინანსებულ სასოფლო-სამეურნეო კოოპერატივებს გაეცნობა.

ENPARD აღიარებულია ევროკავშირის დაფინანსებით განხორციელებულ ერთ-ერთ ყველაზე წარმატებულ ინიციატივად სოფლის მეურნეობის სფეროში. პროგრამის ფარგლებში საქართველოს სოფლის მეურნეობისა და სოფლის განვითარების სფეროებისთვის ევროკავშირის დახმარება 2013 წლიდან დღემდე 250 მილიონ ლარზე მეტია. აჭარაში ENPARD ხორციელდება გაეროს განვითარების პროგრამის (UNDP) მეშვეობით.

ევროკავშირის მიერ დაფინანსებულ სასოფლო-სამეურნეო კოოპერატივებში ვიზიტი და მცირე ფერმერებთან გასაუბრება შესაძლებლობას მისცემს გენერალური დირექტორატის ხელმძღვანელის მოადგილეს თავად გაეცნოს ფერმერთა წარმატებულ კოოპერატივებს და მათ როლს საქართველოს სოფლის მეურნეობის განვითარებაში.

10:00 საათზე  კატარინა მატერნოვა ეწვევა სასოფლო-სამეურნეო კოოპერატივს „საწური", ქ. ბათუმში, სადაც იგი კოოპერატივის ხელმძღვანელობას შეხვდება და მათ ღვინის მარანში კოოპერატივის საქმიანობის შესახებ მოკლე პრეზენტაციას მოისმენს.  

11:00 საათზე შედგება  მატერნოვას ვიზიტი სასოფლო-სამეურნეო კოოპერატივში „ნატურგიფტი". დირექტორატის ხელმძღვანელის მოადგილე კოოპერატივის წევრებს შეხვდება და მათ საქმიანობას გაეცნობა. ვიზიტისას, ქნ. მატერნოვა კოოპერატივს 60,000 ლარის ღირებულების თაფლის წარმოების დანადგარებს გადასცემს.

დამატებითი ინფორმაცია ENPARD-ის კოოპერატივების „საწური" და „ნატურგიფტი" შესახებ იხილეთ დანართში. ინფორმაცია  ENPARD-ის შესახებ იხილეთ ვებ გვერდზე: www.enpard.ge.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს