ექსპერტის ჩრდილო-კავკასიის საკითხებში მამუკა არეშიძის განცხადებით, დღესდღეობით ფაქტია, რომ სომხები აფხაზეთში აფხაზებზე დიდი რაოდენობით არიან წარმოდგენილნი.

როგორც არეშიძემ "ექსპრენიუსს" განუცხადა, აფხაზეთში მცირე ბიზნესი სომხების ხელშია, რაც აფხაზებს აღიზიანებთ.

მისივე თქმით, ოფიციალურ დონეზე არ გაჟღერებულა, რომ სომხებს აფხაზეთში კულტურული ავტონომია სურთ, მაგრამ ამის თაობაზე საუბრები არის.

"რასაკვირველია, აფხაზეთში სომხებსა და აფხაზებს შორის დაპირისპირება არის. თუმცა, ჯერჯერობით, ეს არ არის ზედაპირზე გამოსული და თვალხილული. რასაკვირველია, სომხების კარგი ვაჭრობის უნარით, მთელი მცირე ბიზნესი აფხაზეთში არის მათ ხელში. ქართულ პრესაში გავრცელდა ინფორმაცია, რომ სომხები თხოულობენ კულტურულ ავტონომიას. ეს ოფიციალურ დონეზე არსად გაჟღერებულა. თუმცა, ამის თაობაზე საუბრები არის. აფხაზებს აღიზიანებთ ის, რომ სომხები სავაჭრო ურთიერთობებში აქტიურები არიან. მაგალითად, კლასიკური წარმოების ფირმა კეთდება ასე - ფული არის სომხური, თანამშრომლები არიან სომხები, დირექტორი არის აფხაზი. აფხაზები რომ უმცირესობაში არიან, ეს უკვე შემდგარი ფაქტია. აქ მთავარი ისაა, რომ აფხაზეთში შობადობა ძალიან დაბალია, ხოლო სიკვდიალიანობის მაჩვენებელი მაღალი. სომხებში, გარდა იმისა, რომ შობადობა მაღალია, ისინი აქტიურად შემოდიან კრასნოდარის მხრიდან. ასე რომ დემოკრატიული სურათი ასეთია - დღეს აფხაზები რაოდენობის მხრივ უფრო ნაკლები არიან, ვიდრე სხვა ეთნიკური ჯგუფები ერთად. კონკრეტულად მარტო სომხებიც უფრო მეტნი არიან, ვიდრე აფხაზები. რაც შეეხება რუსებს - რუსები ცდილობენ სიტუაცია შეცვალონ სათავისოდ. ზუსტად ამიტომ, გალსა და ზოგიერთ ადგილებში იხსნება სამხედრო დასახლებები, სადაც რუსი ჯარისკაცები ოჯახებით ჩამოდიან საცხოვრებლად", - აცხადებს არეშიძე.

ექსპერტის თქმით, ამ ეტაპზე საქართველო ვერაფერს იზამს, რადგან ეს არა პოლიტიკური დემარში, არამედ ტიპიური მოვლენაა, თუმცა, კულუარულად ამას ორგანიზებული სახე აქვს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს