სამეგრელოს რეგიონში სტიქიის შედეგად მიყენებული ზარალის ოდენობა ამ დროისთვის დადგენილი არ არის.

როგორც „ექსპრესნიუსს“ სამეგრელო-ზემო სვანეთის მხარეში სახელმწიფო რწმუნებულის ადმინისტრაციის პრესსამსახურში განუცხადეს,  სტიქიის მასშტაბებიდან გამომდინარე, ზარალის დათვლა ამ დრომდე მიმდინარეობს.

მათივე ინფორმაციით, რეგიონში ელექტროენერგიის მიწოდების მხრივ პრობლემა მოგვარებულია, ასევე აღდგენილია საავტომობილო მოძრაობა.

"ჯერჯერობით არ არის დადგენილი თუ რა ზარალი მიადგა სამეგრელოს რეგიონს სტიქიის შედეგად. სტიქია საკმაოდ მასშტაბური იყო და იმიტომ გრძელდება ამდენ ხანს ზარალის დათვლა. ინტენსიური სამუშაოები მიმდინარეობს სტიქიით დაზარალებული სოფლებისა და ქალაქების დასახმარებლად. მაგალითად, მარტვილსა და მის შემოგარენში მოიხრეშა გზები. იმ დაზიანებულ მონაკვეთებზე, სადაც წყალმა გზები ჩარეცხა, აღვადგინეთ ეს გზები. ჩხოროწყუსა და სენაკში თვის ბოლომდე დასრულდება ზარალის დათვლა და კანცელარიას გაეგზავნება შესაბამისი მონაცემები. ელექტოენერგიის მიწოდების მხრივ სამეგრელოს რეგიონს ამ დროისთვის პრობლემა არ აქვს. რაც შეეხება ტრანსპორტის მხარეს - ორი სოფელი იყო მარტვილში, თამაკონი და აბედათი, სადაც საავტომობილო გზები იყო დაზიანებული. თუმცა, გაკეთდა შემოვლითი გზები და მოძრაობა აღდგენილია. რაც შეეხება სხვა სოფლებს - გარესამყაროს არც ერთი სოფელი არ არის მოწყვეტილი. ისინი გარესამყაროს საავტომობილო გზებით უკვე უკავშირდებიან", - განაცხადეს პრესსამსახურში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს