2016-07-01 16:45:51, 614 ნახვა
საზოგადოება
სომხეთის ტრანსპორტის მინისტრი: სომხეთი "სამხრეთ ოსეთის" გავლით გზის გახსნაზე მოლაპარაკებებს აწარმოებს
სომხეთის ტრანსპორტის მინისტრის გაგიკ ბეგლარიანის განცხადებით, სომხეთი საქართველოსთან და რუსეთთან, "სამხრეთ ოსეთის" გავლით, სომხეთის მოქალაქეებისთვის გზის გახსნაზე მოლაპარაკებებს აწარმოებს.
ბეგლარიანის განცხადებას სომხური მედია ავრცელებს.
„საქართველო-სამხრეთ ოსეთის შორის პოლიტიკური უთანხმოება არსებობს. ეს ჩვენს სამუშაოს ართულებს, ამიტომ ამ პროგრამის განხორციელების შანსი 50/50-ზეა. მიმდინარეობს მოლაპარაკებები იმ მიზნით, რომ რუსულმა და ქართულმა მხარემ შეთანხმებას მიაღწიონ“, - განაცხადა ბეგლარიანმა.
მისივე თქმით, ლარსზე მომხდარი სტიქის შემდეგ, საქართველო სომხეთისთვის რუსეთთან დამაკავშირებელ ერთადერთი გზაა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
