შეფასებისა და  გამოცდების ეროვნული ცენტრის ხელმძღვანელის მაია მიმინოშვილის განცხადებით, ერთიანი ეროვნული გამოცდების პირველ ნაკადში  400-ზე მეტი აბიტურიენტი არ გამოცხადდა.

როგორც მიმინოშვილმა აღნიშნა, ეს მთლიანი რაოდენობის 5 პროცენტია. მისივე თქმით, 5-მა აბიტურიენტმა გამოცდაზე დააგვიანა და შესაბამისად გამოცდიდან მოიხსნა.

პირველ ნაკადში დაახლოებით 9327 აბიტურიენტი უნდა  გამოცხადებულიყო.

მიმინოშვილის ინფორმაციით, აბიტურიენტების რეგისტრაცია  ზუსტად 8 საათზე დაიწყო.  9 საათზე ყველა საგამოცდო ცენტრში დასრულდა რეგისტრაცია, რომელმაც  მშვიდ ვითარებაში ჩაიარა.  9 საათზე ყველა საგამოცდო ცენტრში აბიტურიენტისთვის გაიხსნა საგამოცდო ტესტის ფურცელი.

მეორე სესიის რეგისტრაცია 14:00 საათზე დაიწყება. 15:00 საათზე ტესტებზე მუშაობას აბიტურიენტების შემდეგი ნაკადი დაიწყებს.

ერთიან ეროვნულ გამოცდებზე წელს 38 500-ზე მეტი აბიტურიენტია რეგისტრირებული, სტუდენტთა საგრანტო კონკურსზე 4 000-მდე სტუდენტი, საერთო სამაგისტრო გამოცდაზე 12 500-ზე მეტი, პედაგოგთა საგნობრივ გამოცდაზე კი, 22 700-ზე მეტი პედაგოგი.

საგამოცდო ცენტრები შემდეგ ქალაქებშია გახსნილი: თბილისი, ბათუმი, ფოთი, ზუგდიდი, ხულო, ახალციხე, ქუთაისი, გორი, თელავი, რუსთავი, ოზურგეთი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„რეალური მოლაპარაკებები აღარ მიმდინარეობს“ - უკრაინა ემზადება ომის გასაგრძელებლად აშშ-ის დახმარების გარეშე

პატრიარქმა კირილმა შიო III-ს მშვიდობიანი და კურთხეული პატრიარქობა უსურვა

კიევისა და სრულიად უკრაინის მიტროპოლიტი ეპიფანე - ღმერთმა დალოცოს ახალი ეტაპი საქართველოს მართლმადიდებელი ეკლესიის ცხოვრებაში

ევროკავშირი პატრიარქ კირილისა და რუსეთის მართლმადიდებლური ეკლესიის წინააღმდეგ სანქციებს ამზადებს