2016-06-30 18:18:55, 703 ნახვა
საზოგადოება
დავით ებრალიძემ თურქ ხალხს მიუსამძიმრა
საქართველოს თავდაცვის მინისტრის პირველმა მოადგილემ თურქ ხალხს და თურქეთის რესპუბლიკის ხელისუფლებას 28 ივნისს, სტამბოლის ათათურქის სახელობის საერთაშორისო აეროპორტში მომხდარი ტერორისტული აქტის შედეგად ათეულობით ადამიანის დაღუპვის გამო მიუსამძიმრა. დავით ებრალიძემ საქართველოში თურქეთის რესპუბლიკის საელჩოში გახსნილ სამძიმრის წიგნში ჩანაწერი დატოვა.
თავდაცვის მინისტრის პირველმა მოადგილემ მომხდარი ფაქტის გამო მწუხარება გამოხატა და ტერორიზმის წინააღმდეგ ქვეყნების გაერთიანების აუცილებლობაზე ისაუბრა.
დავით ებრალიძის განცხადებით, ათათურქის სახელობის საერთაშორისო აეროპორტში მომხდარი ტერორისტული აქტი მშვიდობიანი მსოფლიოს წინააღმდეგ იყო მიმართული.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
