ჯემალ ჭკუასელი საზოგადოებრივ ცენტრში ახალგაზრდებს შეხვდა

2016-06-25 12:33:57, 654 ნახვა

საზოგადოება

სახელმწიფო სერვისების განვითარების სააგენტოს ინიციატივით და ორგანიზებით, ანსამბლ ერისიონის სამხატვრო ხელმძღვანელი ჯემალ ჭკუასელი საზოგადოებრივ ცენტრში ადგილობრივ ახალგაზრდებს შეხვდა.

შეხვედრაზე ჯემალ ჭკუასელმა ქართულ ხალხურ ცეკვასა და სიმღერაზე, ასევე ფოლკლორსა და მის მნიშვნელობაზე ისაუბრა. შეხვედრის განმავლობაში დამსწრეებმა მათთვის საინტერესო შეკითხვებით მიმართეს სტუმარს და თავიანთი შეხედულებები გაუზიარეს სხვადასხვა საკითხებზე.

აღსანიშნავია, რომ სახელმწიფო სერვისების განვითარების სააგენტოს ორგანიზებით საზოგადოებრივ ცენტრებში ცნობილი ადამიანების ვიზიტები მომავალშიც გაგრძელდება და სხვადასხვა სოფლების მოსახლეობას ექნება მსგავს შეხვედრებზე დასწრების საშუალება.

საზოგადოებრივი ცენტრების განვითარება საქართველოში იუსტიციის სამინისტროს სახელმწიფო სერვისების განვითარების სააგენტოს ერთ-ერთი ინიციატივაა, რომელიც ევროკავშირის ფინანსური დახმარებით ხორციელდება. ცენტრების მიზანია მოსახლეობისთვის სახელმწიფო სერვისებზე ხელმისაწვდომობის გაზრდა და სოფლის განვითარებისთვის შესაბამისი გარემოს შექმნა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან