საქართველოს იუსტიციის სამინისტროს  სსიპ „დანაშაულის პრევენციის ცენტრის“ ორგანიზებით, ექვს საზოგადოებრივ ცენტრში  ვიზალიბერალიზაციის  თემასთან დაკავშირებით  ტრენინგები ჩატარდა.

მარტყოფის, შაშიანის, ნუკრიანის, ჩაქვის, შილდისა და კაზრეთის სკოლების მოსწავლეები გაეცნენ როგორც ევროკავშირის მუშაობის სტრუქტურას, ასევე საქართველოს სამომავლო პერსპექტივებს ევროინტეგრაციის მიმართულებით.

შეხვედრას  14-დან 18 წლამდე ასაკის 100-ზე მეტი ახალგაზრდა დაესწრო.  ტრენინგის მიზანი ახალგაზრდებისთვის ვიზალიბერალიზაციის თემაზე ინფორმაციის მიწოდება და ქვეყნის ევროატლანტიკური მისწრაფების შესახებ ცნობიერების ამაღლებაა. ევროკავშირთან ასოცირებისა და ღრმა და ყოვლისმომცველი თავისუფალი ვაჭრობის შეთანხმების გაფორმების შემდეგ მოკლევადიანი უვიზო მიმოსვლა,  ქვეყნის ევროპასთან დაახლოების გზაზე უმნიშვნელოვანესი წინგადადგმული ნაბიჯი იქნება. 

შეხვედრას უძღვებოდნენ სსიპ „დანაშაულის პრევენციის ცენტრის“ პროექტ - „მოხალისე ტრენერები დანაშაულის პრევენციისთვის“ -ტრენერები - ნინო ლობჯანიძე და ნინო მჭედლიშვილი, ასევე მოწვეული ტრენერი ნინო შარაშიძე და „დანაშაულის პრევენციის ცენტრის” თანამშრომლები. მონაწილეებს შესაძლებლობა ჰქონდათ დისკუსიის რეჟიმში აქტიურად ჩართულიყვნენ სატრენინგო პროცესში.

როგორც ცნობილია, იუსტიციის სამინისტროს სსიპ „დანაშაულის პრევენციის ცენტრის“ ერთ-ერთი მიმართულება ახალგაზრდებში სამოქალაქო და სამართლებრივი ცნობიერების ამაღლება, ასევე მოხალისეობრივი კულტურის განვითარების ხელშეწყობაა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს